Video
Read full review
2024-04-17
891 views
Omakase 「海胆宴」，榛 香港人好鍾意食海膽，好多時候出面嘅海膽嘅種類提供都未必會多過三款，但係今次佢哋搞嘅海膽宴完全滿足到鍾意食海膽嘅大家，當中包括唔同牌子產地嘅馬糞海膽，白海膽，紫海膽。上年第一次訪之後，覺得味道幾好，唯獨有少少體驗上嘅美中不足。有進步嘅空間，今年再訪佢地有明顯嘅改善。而且流程smooth 左好多。當晚全場滿席，我地同行共五位。除左淨係食海膽菜式之外，亦都有基本嘅壽司，茶碗蒸等等。我覺得佢地由於極度專注喺海膽上面，所以壽司方面嘅款式減少咗。但係仍然都有清淡至味道豐富嘅高低起伏。而且亦都有同客人溝通，講解食物背後故事，表場操作嘅即炭燒帆立貝亦都加左分。一餐入面有齊蒸，煮，燒，炸，燉確實牽涉好多工序👍 聽講佢地嘅海胆宴已經唔係第一次搞，相信黎緊會越嚟越純熟。當晚餐單：長崎縣 小長井 華蓮牡蠣 （特別要求菜式）每年春季只會盛產一個半月嘅生蠔，味道爽脆，輕微海水味，清甜不膩。係小長井生蠔當中最高嘅級別。同坊間流行嘅令和之怪物好食得多。北海道馬糞海膽茶碗蒸蛋配搭炒香再打蓉嘅淡路洋蔥，甜上加甜。成件事好夾。蒸蛋香滑，偏挺身，但係無蒸過龍。北海道馬糞海膽白蝦多士呢個鹹香味比
Omakase 「海胆宴」，榛
香港人好鍾意食海膽，好多時候出面嘅海膽嘅種類提供都未必會多過三款，但係今次佢哋搞嘅海膽宴完全滿足到鍾意食海膽嘅大家，當中包括唔同牌子產地嘅馬糞海膽，白海膽，紫海膽。
上年第一次訪之後，覺得味道幾好，唯獨有少少體驗上嘅美中不足。有進步嘅空間，今年再訪佢地有明顯嘅改善。而且流程smooth 左好多。當晚全場滿席，我地同行共五位。除左淨係食海膽菜式之外，亦都有基本嘅壽司，茶碗蒸等等。我覺得佢地由於極度專注喺海膽上面，所以壽司方面嘅款式減少咗。但係仍然都有清淡至味道豐富嘅高低起伏。而且亦都有同客人溝通，講解食物背後故事，表場操作嘅即炭燒帆立貝亦都加左分。
一餐入面有齊蒸，煮，燒，炸，燉確實牽涉好多工序👍 聽講佢地嘅海胆宴已經唔係第一次搞，相信黎緊會越嚟越純熟。
當晚餐單：
長崎縣 小長井 華蓮牡蠣 （特別要求菜式）
每年春季只會盛產一個半月嘅生蠔，味道爽脆，輕微海水味，清甜不膩。係小長井生蠔當中最高嘅級別。同坊間流行嘅令和之怪物好食得多。
北海道馬糞海膽茶碗蒸蛋
配搭炒香再打蓉嘅淡路洋蔥，甜上加甜。成件事好夾。蒸蛋香滑，偏挺身，但係無蒸過龍。
北海道馬糞海膽白蝦多士
呢個鹹香味比較突出，係來自烤香刨碎嘅烏魚子。白蝦亦都係大頭數嘅白蝦，入口好綿滑，香甜。口感好好。
北海道白海膽天婦羅
天婦羅做法演变出嚟，大葉包住海胆，上天衣炸香表面。入面仍然軟滑，油溫操控幾好。
九州平政魚🍣
先黎嘅壽司用魚味帶起，魚料正常操作。舍利分明，微酸。比例無問題。
九州魷魚馬糞海膽🍣
呢個配搭一定無死，口感互相配合。軟滑嘅馬糞海膽跟夾口嘅魷魚。
北海道毛蟹馬糞海膽
想像到嘅鮮+甜，金錢嘅味道😂。
慢煮北海道地蛤🍣
呢個好食，Hamaguri 嘅貝類鮮甜味，慢煮做出肉質有熟同刺身之間嘅口感。👍👍同醋飯好夾。
北海道白海膽🍣
再黎另一款嘅白海胆，偏甘，另一種嘅味覺享受。
九州伊根產 鮪 大拖羅🍣
食Omakase 必食嘅魚種，改曬，無筋，軟滑肥美。
佐賀海苔配北海道紫海膽黑松露
呢個係佢地嘅 signature, 一直以黎都keep 住出。佐賀，係海苔極高級嘅產地，來貨本身唔平，佢哋先炸好，放上海胆，再刨黑松露。香味由炸好仍然係熱嘅海苔盛品帶出食材所有品道。一樣都係口感豐富，味道滿足爆燈嘅一度。👍👍
北海道馬糞海膽燒帆立貝配地蛤汁
佢地用炭用地蛤汁將帆立貝燒做半熟，呢個已經好香好鮮甜。跟馬糞海胆又係無可能唔好食。
燒北海道喜知次配馬糞海膽汁
呢個魚油香極重Kinki , 肉質綿滑，同打成汁嘅海胆完全融為一體。
九州伊根產 Negi Toro手卷
正常操作，不過已經好飽。。。。有葱搭夠，清新返少少。
黑毛和牛北海道馬糞海膽釜飯
鹿兒島A4和牛西冷，油脂撈飯，Medium Rare 熟度牛肉加海胆，黐晒線嘅組合。不過真係好好食。
魚湯
甜品
呢個海胆宴非常推介比鍾意食海膽嘅人，因為其實每款海膽嘅味道都唔一樣。呢個餐單嘅setting可以俾初學者試到，馬糞，白，紫海胆應該有本身嘅味道之餘，仲可以食到香港人偏向喜歡嘅魚貝類。
個人而言，佢哋唔係淨係單純行江湖前風格，反而加添咗fine dining 嘅元素。海膽控嘅話，絕對可以值得一試。
Post
