鮨見 (Closed)

近期興起食omakase 廚師發辦，個廚師會因應當日食材為你準備各樣刺身壽司料理，所以都會幾有驚喜！我同fd都未食過，今日book左間係尖沙咀既樓上日本家庭風小店既omakase。 不過真係要預早訂定枱同盡量唔好遲到，因為店主真係預左時間岩岩好，唔係食客會等上菜等得太耐。先有茶碗蒸同漬物做前菜，刺身七點每樣都好新鮮，師傅仲會逐樣為你介紹返，例如有深海池魚，左口魚同toro 等。壽司有五件，中意杋立貝大大粒，最吸睛係海量海膽杯，好少餐廳會咁豪爽比咁多海膽，所以食得好盡興，彌補返日本思鄉之苦。環境方面，擺滿日式清酒，好有居酒屋感覺！