Video
Read full review
2021-07-27
1049 views
心癢癢又想食omakase，今次就揀咗試呢間旭。我哋食咗中位價嘅set，$1680一位。前菜1:昆布豆腐，滑嘟嘟，味道正常。前菜2：豬肉淮山卷係熱食，幾香。水雲菜酸酸的，有啲薑蓉爽滑，幾開胃。最後記得要食埋粒龍珠果。1.北海道毛蟹肉撈入咗蟹膏，鮮味甘香；上面有鮮甜紫海膽，撈埋紫蘇花瓣一齊食有花香。2.師傅話呢個係seasonal，梳子魚輕輕燒過，帶出油香，配咗少少飯，用紫菜包住食。3.呢個都係seasonal北海道白粟米，超爽脆，好甜，好juicy。4.野生銀雪魚，都係輕輕燒過，帶出油脂香 ，肥美，沾豉油wasabi食。5.日本響螺，超爽口， 師傅教用筷子沾上少少鹽 再加wasabi咁食，帶出鮮味。6.野生藍鰭吞拿，師傅話呢個係最肥位置，大拖羅。師傅已經起筋，但係裏面都仲有啲細筋起唔到，師傅話已經切斷咗，等我哋口感舒服啲。7.跟住嚟一個熟食，鹽燒太都魚。擠一啲青檬汁上去食，油香豐富而且鮮味。如果想再濃味啲就沾上柚子酸汁。伴碟嘅燒青椒、薑芽都食得。跟住就開始食壽司，所有壽司師傅都已經落咗豉油Wasabi，可以就咁食。8.真鯛 sushi，上面有柚子皮香味，味道幾清。9.小肌魚 sushi
心癢癢又想食omakase，今次就揀咗試呢間旭。我哋食咗中位價嘅set，$1680一位。
前菜1:昆布豆腐，滑嘟嘟，味道正常。
前菜2：豬肉淮山卷係熱食，幾香。水雲菜酸酸的，有啲薑蓉爽滑，幾開胃。最後記得要食埋粒龍珠果。
1.北海道毛蟹肉撈入咗蟹膏，鮮味甘香；上面有鮮甜紫海膽，撈埋紫蘇花瓣一齊食有花香。
2.師傅話呢個係seasonal，梳子魚輕輕燒過，帶出油香，配咗少少飯，用紫菜包住食。
3.呢個都係seasonal北海道白粟米，超爽脆，好甜，好juicy。
4.野生銀雪魚，都係輕輕燒過，帶出油脂香 ，肥美，沾豉油wasabi食。
5.日本響螺，超爽口， 師傅教用筷子沾上少少鹽 再加wasabi咁食，帶出鮮味。
6.野生藍鰭吞拿，師傅話呢個係最肥位置，大拖羅。師傅已經起筋，但係裏面都仲有啲細筋起唔到，師傅話已經切斷咗，等我哋口感舒服啲。
7.跟住嚟一個熟食，鹽燒太都魚。擠一啲青檬汁上去食，油香豐富而且鮮味。如果想再濃味啲就沾上柚子酸汁。伴碟嘅燒青椒、薑芽都食得。
跟住就開始食壽司，所有壽司師傅都已經落咗豉油Wasabi，可以就咁食。
8.真鯛 sushi，上面有柚子皮香味，味道幾清。
9.小肌魚 sushi ，魚味較濃郁。
10.赤目魚 sushi，輕輕燒過，有少少火炙香味，同埋帶出油香。
11.赤身sushi ，呢個醃製過嘅，幾有魚香，肉質比較綿身。
12.新鮮北寄貝sushi，師傅整嘅時候拍一拍佢，等佢啲神經收縮返，好爽口。
13.中拖羅sushi，有幾塊薄片，食落冇咁多筋，最頂嗰塊係下巴位置，充滿油香魚香 。
14.九州車海老sushi，師傅整嘅時候蝦仲郁緊，好新鮮，灑上岩鹽，蝦肉質紥實爽口彈牙，有啲柚子香，幾清爽。
15.海膽軍艦，有兩種海膽，下面馬糞海膽鮮甜，上面白海膽係seasonal，比較creamy，海膽味較濃郁。
16.最後飲返碗大蜆清湯，好鮮甜，蜆肉超級大粒。食完咁多嘢飲返碗熱湯好舒服。
17.當然唔少得甜品啦，我揀咗綠茶奶凍，賣相好靚，綠茶味道好濃郁，奶凍滑溜溜，正。
Post
