上岸料理 (Closed)

之前食過一次Omakase，由師傅據當日有咩新鮮食材而決定當日既菜式，感覺好驚喜，於是今日去棉登徑既上岸料理食多一次。餐廳裝修簡約，環境舒適。蟹子沙律新鮮爽口既蟹子，鮮甜既沙律菜加埋蟹柳，清新可口既前菜。日式磯煮鮑魚鮑魚帶嚼勁又有咬口，醬汁香甜又夠曬入味。串燒廣島蠔蠔肉口感滑溜，咬落去仲係充滿水份冇被燒乾，但味道淡左少少，少左鹹香既味道。刺身拼盆眼仁奈呢個名好特別，我都係第一次食，魚腥味幾重，口感偏煙韌。金目鯛12月至2月品質最好，魚身滿佈魚鱗，肉質細膩。三文魚三文魚入口嫩滑，海膽最驚喜，味道鮮甜，有D海水味，但一D都唔腥，入口即化。關東煮材料有有雞蛋、蘿蔔、竹輪、魚餅同蒟蒻，雖然全部都唔係名貴既食材，不過勝在可以暖胃，係寒冬既天氣飲啖熱湯即刻暖曬。檸檬雪糕最後既雪糕檸檬味適中，酸酸甜甜，仲有D檸檬皮。今次同上次所食既Omakase有D分別，呢度熟食比較多，似居酒屋既感覺多D。