鮨見 (Closed)

一直聞名已久，成日都聽人地講omakase 有幾咁special，但聞名不如見面，今日終於的起心肝上網book左呢間sushi mi黎試下我第一次既omakase，非常期待！：）因為第一次同埋係難得既專登出黎食飯，我地今次決定食豪d，叫左個$1798既set，有前菜，蒸蛋，刺身，廚師推薦嘅壽司，海膽杯，湯同甜品，真係非常豐富嘅一餐啊！呢度要特別提一提個海膽杯，廚師用咗北海道嘅海膽嚟整，所以味道真係非常非常鮮美，超好食，個拖羅壽司都好肥美，魚油好豐富，值得一讚，入口即化，而且佢碟碟都擺得好靚，真係色香味皆全Ps 廚師先生專登拎咗條魚俾我哋睇，仲專登擺埋甫士添，真係有d可愛哈哈哈