OMG Chicken (Closed)

•將軍澳OMG Chicken •將軍澳近海皮果邊有間叫OMG Chicken, 一直以為佢係一間專食雞既餐廳。但原來佢係有唔同款式既西餐供應，而且套餐更係平靚正！新西蘭牛眼扒配紫薯蓉百多元一個晚市套餐，佢哋連紫薯蓉都整得特別有心機，絲滑薯濃，紫薯質素高。連配菜都咁好，主菜都唔輸蝕，以呢個價錢俾到呢個質素，都算係CP值高，佢唔係入口即化果種，而係好有肉味，就算唔點醬汁都好正！芝士焗大蝦龍蝦汁海鮮天使意粉首先要讚下佢個龍蝦汁係真龍蝦汁，唔係假罐頭味既，配既大蝦無霉味，啖啖肉。我好少食天使意粉，怕佢太幼煮得唔好就會融到一舊咁。但呢個天使意粉除左無煮到爛之外，竟有爽口既感覺！！即使係點套餐，佢配既湯丫飲品都唔Hea, 佢地既杯好靚，唔知以為自己飲緊特飲，凍飲亦都唔洗加錢既。