Le Monde

Open Now

Now Closed

今日星期六返左公司要OT一個早會，晏晝就同男朋友去左附近一間樓上餐廳食飯，一入到去好靚，而且地方都好大，裝修都幾有feel。個menu都好多選擇，咁我哋揀咗輕盈少少嘅野食。濃龍蝦湯 +$15湯味好濃，而且充滿住龍蝦嘅鮮味，不過就冇肉，但都OK！餐湯就普通嘅羅宋什菜湯，偏酸少少，不過料就十足。法式薄餅配巴馬火腿、蛋及芝士 $78蛋嘅薄餅，不過餐廳應該冇放過一粒鹽，全部都係由巴馬火腿嘅鹹度去支撐成道菜，都好夠味！呢道菜好特別，我覺得好好食！有別於一般嘅薄餅，可以再試。而且一個人食都好飽！真心讚！煎三文魚配香草意大利粉 $98煎三文魚本以為冇乜特別，點知餐廳將皮同肉分開煎，煎到表皮勁脆口，再放上岩岩好嘅魚肉上面，次次都係食親都係皮太濃或者唔夠脆，呢到就剛剛好。而且香草意大利粉超級好食，有香草味之外，咬口岩岩好。Overall黎講，呢間cp值幾高，餐廳環境又舒服，野食又唔錯，價錢又合理，唯一不足就係而家冇晚市，我相信呢度嘅晚市會更加有氣氛。