扒王之王 (Closed)

同男朋友去完廸廸尼...於是出返青衣城食dinner...點知就出事啦...男朋友食鐵板西冷...我就要左個鐵板一大口牛柳...等左5-10分鐘左右...男朋友既西冷就到左...但..我地連湯同餐包都未有....咁同個waiter講...好在送湯黎個waitress都仲識講唔好意思...算!但個西冷真係唔多掂...上碟成塊豬肉咁...又薄...又overcook...男朋友仲話大x樂仲好食過佢...而我個牛柳呢...等到我男朋友差唔多食完都仲未黎=.="一催就上枱...(咁點解要我等咁耐?)最好笑既係...佢竟然無薯菜...大佬呀...成個鐵板得d牛柳同幾塊洋蔥...有無咁健康呀....叫左個貌似senior既人黎問...佢話：一大口牛柳呢個餐係唔跟薯菜請問呢個係咩道理呀!!我食過呢個餐3次...次次都有薯菜...(沙田希爾頓中心同瀝源分店都有)你同我講話唔跟餐飲又要叫兩次先送黎...仲有d waiter好似趕收工咁..我地仲食緊佢竟然黎換聽日午餐既menu牌...又食食下拎去個candle...真係好差囉d咁既服務態度...唔怪得青衣城9點幾都仲係間間要等位既時候..佢就大把空位啦!