B‧B 海景餐廳

Open Now

Now Closed

疫情咁耐一直都無得去旅行，所以就趁住有時間同朋友同朋友隻狗仔入咗南丫島玩一日。但好可惜原來南丫島嘅餐廳好多都唔俾狗狗入😟最後搵到呢一間海景餐廳係有户外海景位亦都歡迎狗狗😍 餐廳位置好易搵，喺榕樹灣大街～我地點左兩款意粉🍝，兩杯凍檸茶，其中一個set包餐湯，湯係白湯，我同朋友都話有少少似中學canteen feel😂 凍檸檬茶嘅糖水另上，可以自行調校甜度。我叫左羅勒醬菠菜意粉🍝 (tea set $88)意粉口感好硬，感覺上煮得唔夠耐，而且無咩味，有啲失望，食左一大半就無食。朋友就叫左意大利蕃茄煙肉辣肉腸意粉🍝(lunch set $128)味道超咸，個辣肉腸切得比較薄，完全過份吸蕃茄醬d味，都係好失望，因為呢個價錢唔expect係呢個水準。希望之後會改善下。不過環境真係幾chill幾舒服😍 望住海景聽住海浪聲食野，staff都幾有善。不過食物質素真係有待改善。