PizzaExpress (Closed)

第一次試過就愛上，所以今次就同朋友嚟食。 首先，講一講小食先，有"焗蘑菇芝士沾醬"同"清新之吻"，佢哋將2碟小食二合為一。其實，本人並不喜歡蘑菇，但試過d蘑菇醬，蘑菇味又的確幾濃，不過我真係頂唔順，如果喜愛蘑菇可以一試。而清新之吻就比較吸引，因為軟芝士包配蕃茄醬，酸酸地，開胃又唔會太流。到主菜pizza啦，"羅勒番茄薄個賣相差d，但食落味道都唔差。批底薄又脆，最吸引都係水牛芝士。跟住就係"蟹肉白酒汁意粉"，白酒汁唔會太濃，少少辣又幾開胃。而飲品有"熱情果紅莓特飲"同"檸檬特飲"，熱情果嗰杯都ok，不過檸檬嗰杯(未加糖醬)真係酸到好似放咗個檸檬入口。有勇氣唔怕酸，可以試下。