Video
Read full review
2016-09-22
2670 views
今日星期五晚約左舊朋友食飯，想搵間餐廳靜靜地傾下計。返工附近有間西餐幾吸引，決定去試下。裝潢好靚有格調，又無乜人，暗暗地食嘢傾計好有氣氛。餐牌都好靚，一啲都唔會好殘舊污糟。我同朋友一人叫左一個set，佢嗰個係special入面嘅肉眼扒，我就叫左dinner set推介嘅蕃茄芝士牛尾千層麵。另外我地仲叫左個炸蘑菇沙律。我個set有湯、蒜容包、主茶同餐飲。今日嘅餐湯係甘荀忌廉湯，濃而不膩，唔會好鹹。個包又好好食，邊脆入面軟軟的，點個湯都好正！侍應上菜時仲提醒入面個碟好熱，連埋落單時，服務態度都好好！個牛尾千層麵，味道都不俗！唔會好似一般肉醬咁好酸，而且好香牛味，啲麵又無煮得太耐，有咀嚼嘅口感，啱啱好！同埋個保暖唔錯，因為期間有食沙律，又有傾計都唔會變得好凍。講起個沙律，真係有驚喜！原本以為脆炸蘑菇都只係細細粒，甚至係絲，點知原來咁大舊！炸得好好食！有啲似天婦羅但唔好粉，又有少少鹹味。個沙律都好足料，有車厘茄等等唔同嘅蔬菜。個黑醋汁無一般黑醋咁強烈嘅味道，酸酸地非常開胃！呵呵，雖然係好斯文嘅西餐，但凍檸茶都好大杯，正！我朋友個special set仲有一隻焗蠔同一件甜品。原本好似係芝士蛋糕，
今日星期五晚約左舊朋友食飯，想搵間餐廳靜靜地傾下計。返工附近有間西餐幾吸引，決定去試下。裝潢好靚有格調，又無乜人，暗暗地食嘢傾計好有氣氛。
餐牌都好靚，一啲都唔會好殘舊污糟。
我同朋友一人叫左一個set，佢嗰個係special入面嘅肉眼扒，我就叫左dinner set推介嘅蕃茄芝士牛尾千層麵。另外我地仲叫左個炸蘑菇沙律。我個set有湯、蒜容包、主茶同餐飲。今日嘅餐湯係甘荀忌廉湯，濃而不膩，唔會好鹹。個包又好好食，邊脆入面軟軟的，點個湯都好正！
侍應上菜時仲提醒入面個碟好熱，連埋落單時，服務態度都好好！個牛尾千層麵，味道都不俗！唔會好似一般肉醬咁好酸，而且好香牛味，啲麵又無煮得太耐，有咀嚼嘅口感，啱啱好！同埋個保暖唔錯，因為期間有食沙律，又有傾計都唔會變得好凍。
講起個沙律，真係有驚喜！原本以為脆炸蘑菇都只係細細粒，甚至係絲，點知原來咁大舊！炸得好好食！有啲似天婦羅但唔好粉，又有少少鹹味。個沙律都好足料，有車厘茄等等唔同嘅蔬菜。個黑醋汁無一般黑醋咁強烈嘅味道，酸酸地非常開胃！
呵呵，雖然係好斯文嘅西餐，但凍檸茶都好大杯，正！
我朋友個special set仲有一隻焗蠔同一件甜品。原本好似係芝士蛋糕，但賣哂。不過我試左幾啖哩件朱古力蛋糕，超級好食！唔係好甜但朱古力好濃，餅底亦不錯。食完今餐真係好滿足，份量足料，大家都好飽。一個set由$90至$240左右，扒類同龍蝦相對價錢高啲。加一後，我地人均消費都係$280左右，我覺得都算物超所值。間唔中食餐高質嘢，真開心！
Post
