Pom's Diner (Changed Hand)

是日約左朋友去左佐敦Pom's Diner食生日飯,地點都方便,一出港鐵站行一陣就到! 餐廳環境都唔差簡簡單單黃色柔和都燈光,氣氛有點寧靜不太嘈吵! menu睇得出唔係求其整,色彩繽紛,我地愈睇就愈肚餓!我地叫左set dinner 有餐湯+法式蒜蓉包+主菜+餐飲! 餐湯南瓜湯,香濃南瓜味好清甜,蒜蓉包有焗過熱熱地脆脆地唔錯! 餐飲都係一般普通餐飲不過不失! 主菜我地揀左黑松露忌廉野菌意大利飯,賣相吸引同好香既黑松露,意大利飯飯質煙韌程度岩岩好,汁既份量又適中,加入野菌磨茹更加有口感,飯面放埋芝士碎粒,味道好好! 另外小食叫左個芝士焗蟹肉大磨菇,磨菇真係好大隻,焗過一d都唔乾身仲有好多汁,蟹肉好彈牙,釀落磨茹到好夾口感好豐富,食埋伴碟既沙律菜可以減少油膩感!最後緊係唔少得甜品,紐約芝士蛋糕,唔太甜,好重香濃芝士味又滑漏,加埋脆脆餅底口感好有層次,下次再黎一會再叫!

今晚屋企冇飯食，就去左公司附近既Pom's Diner食dinner set 食飽飽先返屋企，lee度氣氛寧靜一d都唔嘈吵，簡單既裝飾比人感覺舒服寫意，所以我都幾鍾意lee度，同埋侍應都幾好禮貌!首先餐湯南瓜湯，好好飲好濃好香南瓜味，仲有食到少少南瓜蓉添，蒜蓉包既蒜蓉份量岩岩好，味道亦唔錯，仲焗到外皮卜卜脆! 跟餐再加個焗蠔，忌廉汁加上香濃芝士一齊焗好香口又juice，蠔既size又唔算細，食落啖啖肉，伴碟蔬菜沙律亦好新鮮配埋黑醋，好味又開胃! 我叫左個黑松露忌廉雜菌意大利飯，意大利飯廚師浸泡時間同煮既時間掌握得好好，做到粒粒分明，配上雜菌同香濃既忌廉汁再加埋聞落好香噴噴既黑松露，真係好好味，平時細食既我，都好味到食得晒! 餐飲叫左普通既柸凍檸茶，都唔錯有濃濃既茶香味!

点了chicken burger and classic burger, 朋友吾食cheese, reconfirmed with 男職員，他說冇cheese 在入面。上菜後一大塊cheese系入面，好在系bun位置，唯有我食埋。product knowledge 吾得，只系賣幾種burger,呢d都吾知。老闆惨了。点了凍檸茶，走甜。surprise! 杯茶有加糖水咖，but where was the lemon slice?系一片都冇嘅。馬上通知女職員，她吾好意思一句都冇，净系話幫他换。味道方面我的classic burger 牛肉好乾，chicken burger 雞肉似poached, 冇味。其實只系基於禮貌比左一蚊tips,我朋友話一蚊都太多。總結，如咁嘅食物和服務，祝好運。

今日同朋友附近行街，見到食dinner時間，見到間鋪面幾ok既西式菜幾吸引，就入去坐底食少少野一陣再繼續行街! 入面有長枱，有4人梳化枱，最特別既裝飾係每張枱上既瓷磚都唔同花紋，好有特色，色彩艶麗! 我地叫左紐西蘭羊鞍扒伴雜菜醬配BB薯，餐湯配蒜蓉包都唔錯，餐湯同蒜蓉包都夠熱，包既蒜蓉醬都好香，搽既份量都唔會太少! 我地叫左兩柸檸檬茶，都好夠茶香味!主菜紐西蘭羊鞍扒伴雜菜醬配BB薯，伴碟雜菜覺得少左d，但羊鞍我地order左7成熟，唔會太韌林林地，口感岩岩好，伴碟既BB薯都好正，煮得夠晒林，細細粒好易食，又夠晒薯仔味，配埋特製醬汁非常好味，份量又足夠我地兩個食!跟餐既雙色芝士焗蠔，芝士好多好夠味，蠔亦唔算細隻，伴碟既沙律菜都好新鮮幾好味！

8年冇寫食評 今日忍唔住開齋問題1：先黎兩杯清水，有漂白水味，換左水邊依然有汽泡。問題2：同老婆一人一Set, 來了兩碗新派的 羅素清湯， 誰知胡椒混味精湯黎。問題3 ：老婆點了漢堡還好只是乾了點， 我那肉眼扒......網燒中真係中伏多..問題4 ： 那Cheese Cake, 我只知有好濃的雪櫃雪霜味入晒件Cake 到， 喂，大佬你雪櫃有幾多日冇熔雪呀？ 

朋友話有間西餐廳有龍蝦食，而且價格又唔貴，幾抵食，於事就睇下佢咩料啦！估唔到呢間野細細地，但係都幾滿，好彩咁岩唔洗等位．每人最後決定叫一個餐，我叫左個龍蝦做主菜，朋友就揀左魚．本身都有個南瓜湯送，幾香濃的，食到少少南瓜蓉，但唔明顯，口感smooth!餐裡面每個人還送了一隻焗蠔，表面creamy有咸香，不過隻蠔就不算大隻，同時非常重的海水味。感覺還不錯吧。龍蝦size是想像範圍之中，燒得幾香的，口感好爽脆，吃到啖啖的龍蝦香味，與普通的蝦蟹都好不同。另外薯條也炸得香脆，size與M記有點相似，但味道比較香，沒有那麼膠。朋友的魚我沒有怎麼吃，因為我唔係幾喜歡吃魚呀！不過好像沒有什麼骨，表面都煎的好香脆，幾美味．口感也夠滿，不錯不錯．另外燒菇質感非常JUICY，咬出來之後有好多汁，上面的忌廉更帶出菇香味，VERY　NICE!

同朋友慶祝生日，諗到頭爆都唔知食乜好，一位鍾意周圍食好嘢嘅朋友推介左幾間餐廳，由於交通方便，最後我揀左呢間係白加士街嘅西餐。佐敦地鐵站一出轉個彎就到，間餐廳係正澳牛對面，唔難搵。餐廳唔算大，好在BOOK左位，估唔到平日都爆場，我地一行四人，侍應安排左個卡位比我地。我哋叫左一個黑松露意大利飯、大蝦墨魚麵、煙三文魚沙律、蟹肉焗磨菇同白酒汁燴大蜆。大蜆真係好好食，個汁好JUICY，聽講係餐廳每日新鮮運到，之後我地仲ENCORE左一碟。黑松露意大利飯比我想像中好食，我以為冇肉既飯會好寡，但佢黑松露味好豐富，唔覺得DRY。墨魚麵更加喜出望外，因為佢唔似出面D餐廳咁，食到成個咀都黑色，而且辣辣地，好惹味。最後餐廳好貼心送了一件芝士蛋糕作朋友生日蛋糕，朋友都好SURPRISE，呢間餐廳抵讚﹗

尖沙咀掃完貨之後，晚餐就係附近食埋。見到有間西餐廳餐牌幾吸引，入到去叫左個大套餐。首先係薯仔餐湯，入面有薯仔粒同埋薯皮碎（？），口感都可以話係豐富，不過就會可能多本身薯仔味好香的，湯的質感亦算濃郁。法式蒜蓉包可以點上薯仔湯，除左蒜蓉味之外有埋薯仔味，蒜蓉包烘得香脆，大大件。炭燒美國安格斯西冷扒$248有男人手掌大，燒得幾靚配上一般牛扒會用既醬汁，味道不錯，而且六成熟口感鬆軟。不過本人就認為加上海鹽會更加合適，因為本身冇咩特別味道，主力是食牛的鮮味。原來隔離仲有一個冬菇，上面有一些芝士醬。個菇水份深入，而且熟度剛好，這個更值得一讚。New York Cheese Cake上面有一些藍莓，整體鬆軟芝士味偏甜，分量充足。

留意左呢間小店好耐，今日終於有時間黎試下。店內座位不多，卡位亦有點細，不過我地幾個朋友細細粒，都坐得舒服。叫左兩個頭盤，芝士烤大菇同酸忌廉薯條。烤大菇同芝士本身係絕配，烤得外層香口，但又好juicy! 不過配菜就點沒心思。薯條亦炸得很香脆，不過有點油，但勝在是厚薯條，好味！主菜叫了香辣蒜片大蝦墨魚麵。麵煮得乾身，少少辣，但嫌墨魚麵欠奏，如果有些墨魚味會較好。蝦則頗大隻，挺鮮味，數量亦不少。另外還點了羊架。有兩大件，7成熟。最喜歡的是這個，羊架似乎是穏陣之選！

第一次光顧，那晚胃口一般，所以点了安格斯漢堡包配薯條，麵包有点冷，主角安格斯漢堡扒竟然出奇地硬，牛肉味一般，而且只是微暖，試用刀切開也要费點氣力，...叫價$170，老實說用一半價錢比它美味也不少，沒有興趣再光顧試其他菜式

今日星期五晚約左舊朋友食飯，想搵間餐廳靜靜地傾下計。返工附近有間西餐幾吸引，決定去試下。裝潢好靚有格調，又無乜人，暗暗地食嘢傾計好有氣氛。餐牌都好靚，一啲都唔會好殘舊污糟。我同朋友一人叫左一個set，佢嗰個係special入面嘅肉眼扒，我就叫左dinner set推介嘅蕃茄芝士牛尾千層麵。另外我地仲叫左個炸蘑菇沙律。我個set有湯、蒜容包、主茶同餐飲。今日嘅餐湯係甘荀忌廉湯，濃而不膩，唔會好鹹。個包又好好食，邊脆入面軟軟的，點個湯都好正！侍應上菜時仲提醒入面個碟好熱，連埋落單時，服務態度都好好！個牛尾千層麵，味道都不俗！唔會好似一般肉醬咁好酸，而且好香牛味，啲麵又無煮得太耐，有咀嚼嘅口感，啱啱好！同埋個保暖唔錯，因為期間有食沙律，又有傾計都唔會變得好凍。講起個沙律，真係有驚喜！原本以為脆炸蘑菇都只係細細粒，甚至係絲，點知原來咁大舊！炸得好好食！有啲似天婦羅但唔好粉，又有少少鹹味。個沙律都好足料，有車厘茄等等唔同嘅蔬菜。個黑醋汁無一般黑醋咁強烈嘅味道，酸酸地非常開胃！呵呵，雖然係好斯文嘅西餐，但凍檸茶都好大杯，正！我朋友個special set仲有一隻焗蠔同一件甜品。原本好似係芝士蛋糕，

今日放工同班同事去一間新開既餐廳，見到openrice亦有一定既好評，我亦都想試吓佢哋嘅牛扒，啲買相好吸引😎入到去餐廳好有歐陸風情既感覺，無論係牆身定天花板都有經過設計，好有心思已經急不及待開始介紹菜式了前菜:焗蠔好少餐廳會用焗蠔做套餐裏面嘅前菜通常都要加錢，呢度個味道都幾好啲芝士好香，而且唔會有腥味，個醬唔會鹹同佢好配南瓜餐湯 蒜蓉包 個湯嘅溫度略為凍左少少，但個蒜蓉包好香而且咬落去好脆蒜蓉味足夠，唔會over咗連骨肉眼扒我叫左五成熟，塊牛扒都煎得好軟，佢唔好落咩調味料只係有少少鹽同胡椒去煎香佢，完全可以帶出牛既鮮味，同外面既西餐有唔同既係，我以前係澳洲食過既一樣，唔會額外加太多嘅調味，蓋過牛肉既鮮味大愛仲有旁邊嘅焗蘑菇，非常值得推介，佢一啲都唔乾身，而且面頭有啲沙律酸酸甜甜加埋個蘑菇好match小食 芝士焗蟹肉大蘑菇因為食過佢嘅菇覺得真係好正，所以再叫一個小食，呢個菇好香芝士味同咬落去唔單止冇乾身既感覺，而且有啲好juicy嘅感覺甜品 紐約芝士蛋糕女生至愛口感好滑，好重芝士味，而且都好正宗，完全唔覺得膩，好想再食多件下次會帶朋友再黎試下

之前經過門口見到依間餐廳好似幾特別甘，今次甘岩有野做去開依頭，所以搞掂晒d野之後就同朋友一齊會一會依間餐廳😂餐廳嘅裝修好有歐陸風情，牆壁上有好多得意嘅painting，而枱面係由多種富有民族圖案既瓷磚砌成，好特別好靚！西冷扒上枱已經好吸引，炭火燒得好靚，我地叫左六成熟，食落就岩岩好又唔韌，肉味濃，咬落仲有少少肉汁，令人忍唔住食完一啖又一啖。配菜都做得幾好，焗芝士蘆筍大蘑菇都幾濃郁，而蕃茄沙律菜配酥皮就好fresh。連骨肉眼扒相對地比較淋身，而我地就叫左五成熟。扒冇太多既脂肪，食落啖啖肉，而肉質都好嫩，肉味都濃，配埋個汁味道會更加豐富。龍蝦配松露薯條係本人推介首選👍🏻龍蝦比想像中大，而且肉好飽滿又結實，食落都好有鮮味。店家好細心甘將隻蝦一分為二，仲有個鉗係俾我地方便拆殼，諗到好周到👍🏻👍🏻薯條熱辣辣上枱本身已經好正，炸到好香脆但一啲都唔油膩，脆薯條再配上粒粒黑松露，令到個味道更加濃郁！

今日同朋友第一次食依間西餐廳。餐廳既裝修相當唔錯，有d外國復古既感覺食物種類都幾多選擇，而我地就叫左個set有蒜蓉包同南瓜湯湯。蒜蓉包好香脆鬆軟，牛油同蒜蓉味都幾重，而南瓜湯都唔錯，南瓜味雖然唔算濃郁，但都會食到一d南瓜蓉。比目魚扒拌意式燴雜菜睇個樣會以為好乾身，點知切開完來入面肉依然好嫩，好有魚油香。配埋個酸酸甜甜既醬，令到味道多一種層次，好配合。芝士焗蟹肉大蘑菇好好食！本人推介👍👍蘑菇都幾大舊，味道好濃，入面釀滿鮮甜既蟹肉而冇半點雪藏味，再配上面層半溶既芝士，味道同口感都有好多層次，好正！！！水牛雞翼就不過不失，辣辣地，酸酸甜甜都幾開胃。醬汁都幾濃，但略嫌醬汁份量唔夠多。黑松露意大利飯個忌廉汁好濃但又唔會太過稠密，飯煮得粒粒分明，不錯呀！！黑松露雖然唔算多，但黑松露既味道每啖都尚算食到。芝士忌廉焗蠔幾大隻，蠔味好濃，d半溶芝士係錦上添花。紐約芝士蛋糕軟硬度剛剛好，芝士味都好濃，好鐘意食個餅底😋😋😋食完真係好飽

一進到餐廳最吸引的地方係檯上的瓷磚花花圖案. 每張檯都唔同, 所以我地坐了一張圖案最花巧的檯, 很美. 煙三文魚凱撒沙律, 甘荀湯配蒜蓉包頭盤以清清地的甘荀湯,很有營養又甘香好味. 配脆卜卜的蒜蓉包. 一清一濃, 很開胃. 加上煙三文魚凱撒沙律, 三文魚新鮮啖啖肉, 羅馬生菜很清新好味, 加上沙律醬, 芝士碎和脆脆煙肉, 份量很大, 食極都仲有.可以三四人分享. 香草蒜片大蝦墨魚麵嚐起香草配蒜片很熱辣可口, 可以再重手一些. 大蝦肉很彈牙, 好鮮味.配上墨魚麵更為鮮上加鮮. 墨魚麵幼細彈牙, 這種墨魚麵應該係製造麵條時已經放入墨魚汁, 所以食起來唔會食到成排牙都黑麻麻. 雖然沒有太多汁, 但麵質又不會太乾身變硬. 份量多. 夠二三個人分. 龍蝦松露薯條 陣陣松露香味,龍蝦全隻開成邊上, 賣相相當吸引呀, 份量十足而龍蝦肉滲入了松露香味雙重香氣後,更是惹味無比 熱辣入口會嚐到異常鮮活彈牙的口感 確實有喜 大件夾抵食 令味道賣相加分炸薯條蘸上. 光是顏色和賣相已經很吸引 . 雖然食到整手都油油的(有工具比我地食), 但值得一試.朱古力咖啡慕絲蛋糕 朱古力碎係上, 雪糕, 層