Video
Read full review
2017-01-08
173 views
時間21:10。要帶bb返屋企但又夜收工，所以諗住好快咁食啲嘢就去搭車。兩個大人一個bb。一入到去，一個黑衫黑褲應該係經理嘅人就一句話 '我哋10點鐘閂門架啦吓'。我哋應左佢一句'冇問題'，然後同侍應講三個人，要一張高櫈比BB。叫我地等一陣。之後明明好多位，但就比左一個係角落頭有好窄嘅二人位我哋。同佢講要張4人枱因爲bb都坐，個疑似經理就好冇禮貌咁叫我地等下先。奇怪嘅係執張枱都執咗好耐，仲要係三個人一齊執一張枱。最後到有枱，我哋又要問多次要張高櫈比bb。本來有個侍應想幫我哋落單，但個疑似經理就態度好差咁叫左佢去做其他嘢。佢幫我地落單時黑口黑面，態度又差。搞到心情同胃口都差晒。食完嘢叫佢埋單，佢直行直過咩反應都冇但之後又攞張單黎揼低，原來係聽到又費事應我地。態度同服務都咁差，又已計加一，我哋當然冇比tips。找完錢埋嚟收番張單到我哋走，一句多謝都冇。咁嘅服務同態度完全不能接受。你返左成日工冇停過，你嘅客人都係一樣。點解客人比錢仲要睇你黑口黑面？
兩個大人一個bb。一入到去，一個黑衫黑褲應該係經理嘅人就一句話 '我哋10點鐘閂門架啦吓'。我哋應左佢一句'冇問題'，然後同侍應講三個人，要一張高櫈比BB。
叫我地等一陣。之後明明好多位，但就比左一個係角落頭有好窄嘅二人位我哋。同佢講要張4人枱因爲bb都坐，個疑似經理就好冇禮貌咁叫我地等下先。奇怪嘅係執張枱都執咗好耐，仲要係三個人一齊執一張枱。最後到有枱，我哋又要問多次要張高櫈比bb。
本來有個侍應想幫我哋落單，但個疑似經理就態度好差咁叫左佢去做其他嘢。佢幫我地落單時黑口黑面，態度又差。搞到心情同胃口都差晒。
食完嘢叫佢埋單，佢直行直過咩反應都冇但之後又攞張單黎揼低，原來係聽到又費事應我地。態度同服務都咁差，又已計加一，我哋當然冇比tips。
找完錢埋嚟收番張單到我哋走，一句多謝都冇。
咁嘅服務同態度完全不能接受。你返左成日工冇停過，你嘅客人都係一樣。點解客人比錢仲要睇你黑口黑面？
Post