Video
2018-08-26
96 views
一年一度的相識周年紀念日，Honey都會帶我食好野，今年佢話要試D新野，唔知今次帶我去食D乜呢？今次佢只係叫我要著靚D，因為會去D有格調的地方！唔同係食法國菜？正喎！佢約左我係海港城等，我就先行左陣，之後過左對面馬路，沿中港城方向行，我都知果面有好多高級餐廳，唔知食乜呢？上到流尚坊，謎底終於揭曉啦，原來係Amina Modern European!! 以前有聽同事講過話廣東道有間新派歐洲菜，一直都係聽過，終於有機會試啦！餐廳地方唔算大，只有5-6張台，灰格調的裝潢，比較modern，聽講菜色亦好modern！Honey話提早好耐book先book到架，所以一定好正！打開menu見原來定好唔同既Set menu，主要係選幾多個course，同飲唔飲酒！咁當然我地一定飲酒啦，所以點左"6 course Wine Pairing Menu"! 食野之前先叫左支sparkling water，夏天飲返杯，真係好fresh, 即刻好想食野!餐前麵包 - Homemade Bread and Dip呢度既麵包全部都自家制，係歐洲人常食，但HK人好多都未聽過, 總共有5款 "Brioche, Gr
餐廳地方唔算大，只有5-6張台，灰格調的裝潢，比較modern，聽講菜色亦好modern！Honey話提早好耐book先book到架，所以一定好正！打開menu見原來定好唔同既Set menu，主要係選幾多個course，同飲唔飲酒！咁當然我地一定飲酒啦，所以點左"6 course Wine Pairing Menu"! 食野之前先叫左支sparkling water，夏天飲返杯，真係好fresh, 即刻好想食野!
餐前麵包 - Homemade Bread and Dip
呢度既麵包全部都自家制，係歐洲人常食，但HK人好多都未聽過, 總共有5款 "Brioche, Grissini, Focaccia, Nutty Rye, Baguette", 配上特式既Sunshine tomato sauce! 其實店長哥哥介紹，即係有黑麥包，法包，最特別既係墨汁Grissini, 咪睇個包黑實實以為好似炭咁啊，但其實好香墨汁味，配上新鮮既番茄醬，感覺又係另一種清新，睇來新派歐洲菜都係食清新既味道，唔錯！
食過麵包，店長就為我地斟左杯白酒，用來配下一味course : Macon-Lugny Les Charmes 2016, 飲左一啖，有好香好甜既果味，酒身係好靚既金黃色，味道有D柑橘味，用來配頭盤就最適合不過！
頭盤 - 煙薰北海道八爪魚
呵，其實一上台係完全唔知道係乜野來的，因為蓋下面煙霧瀰漫，我都係第一次食煙薰，估唔到一開蓋就聞到好香既蘋果味！原來店長哥哥話係用蘋果木煙薰既，難怪咁香啦！
當煙霧散去，我見到既似係藝術品，多過係一度頭盤，最吸睛既係顏色，紅橙黃綠白，色彩非常豐富！食之前當然想店長介紹下係乜野啦，否則唔知食左D乜，就枉費左chef一番心機！原來呢個頭盤用左北海道八爪魚，配上菠蘿粒，青瓜粒，巨峰提子片，番茜，仲加左D魚子, 所以食得出唔同既蔬果＆海鮮既鮮味！最特別既係底下白色一片既，係法色馬令(French Meringu), 用蛋白加糖手打至凝固狀態！
煙薰北海道八爪魚
5 views
0 likes
0 comments
整個菜完全顛覆左我對頭盤既印象，原來可以咁SPECIAL，色香味俱全，真係難以形容，配埋甜甜地帶有柑橘香既白酒，真係無得彈！食過頭盤，上下一度菜前，店長今次幫我地斟左杯紅酒，來自Spain既"Museum Reserva 2012", 支酒比較soft & fruity, 比較適合配凍湯一齊飲！飲落又真係幾易入口喎，果味都幾香，唔錯！
Soup - 墨西哥凍湯
個湯一上台，我差D忍唔住想尖叫（有D失禮），但真係太amaring la, 好靚!
首先湯碗好特別，全玻璃設計，但下面有個位可以放乾冰，加水後令成個湯有種好冰涼感覺，夏天飲完真係乜野暑都消嘥!
墨西哥凍湯
15 views
0 likes
0 comments
飲之前當然店長哥哥會先講解啦，原來個凍湯係用乳酪加豆奶打出來，當然綠色既湯身真係用左蔬果啦，材料實在太多種，但注要有蜜瓜，番茜，墨西哥辣椒，青檸，薄荷葉等等！真係望落簡單既一個湯，飲落一D都唔簡單！
個味道係好清新既，cream cream地，有好複雜既蔬果味，當然蜜瓜味同辣椒味係最濃郁啦，加埋幾片封乾左既HAM，鹹鹹脆脆咁配凍湯一齊飲，又幾特別喎！配埋既紅酒，滿口充滿果香！
飲過凍湯後，我又好期待下一味菜啦！同樣每上一個course之前，都會先幫我地斟酒，今次都係紅酒 - Chateau Moulin De Bel Air 2014! 同之前果杯好唔同，呢杯酒味好STRONG，更加濃郁，酒紅色更加深，要醒酒一陣後，先可以揮發出沉澱左既葡萄香味，相信呢杯酒係配肉！期待！
Main Course 1 - Foie Gras 香煎法國鵝肝
果然食西餐又點可以無鵝肝呢，個香煎法國鵝肝真係離遠都香到暈，有陣特有既酥味，好期待啊！
店長話配鵝肝個醬，係用冧酒配提子干整成的，配埋鵝肝食可以中和陣酥味，令鵝肝更香！另外伴碟仲有開心果碎&松露配南瓜溶，同鵝肝一齊食又有另一番味度！正！
Foie Gras 香煎法國鵝肝
3 views
0 likes
0 comments
鵝肝真係極之極之肥味，再飲啖濃郁既紅酒，真係prefect match!
品嚐完咁正既鵝肝之後，店長話會上番個雪芭做間場，清清口入面既味道！哈，有幾特別喎！今次食既係青檸雪芭，但最特別既係個器皿！用左個類似石磨既碗裝住雪芭，食落覺得雪芭keep住好夠凍，透心涼！青檸味酸到打冷陣，即係覺得好refresh，好好食！
青檸雪芭
3 views
0 likes
0 comments
Main Course 2 - 終於到最後一個main course啦，今次可以除自己鐘意選擇主菜！Honey點左"Wagyu Beef Cheek" 紅酒燴和牛面頰肉，配Red wine. 我呢就選擇左"Chile Seabrass" 香煎智利鱸魚, 配白酒 "Chanson Chablis 2016". 呢隻白酒酸度較高，但同樣有陣柑橘香味，酒身顏色黃一D，好靚，應該好適合用來配魚！
Enjoy~美食配靚酒！
鱸魚一上碟就聞到魚湯既鮮味！西餐真係看上去好簡單既菜式，其實背後用左好耐時間整！店長哥哥介紹，魚湯係用魚骨煮成既高湯，所以湯身煮到奶白色！鱸魚好嫩好滑，伴碟配上青瓜絲及魚子，令到味道更加豐富！
4 views
0 likes
0 comments
Chile Seabrass 香煎智利鱸魚
3 views
0 likes
0 comments
食過咁多樣好好味既course，終於都到甜品時間！我點左個香芒味既雲呢拿奶凍，同樣擺碟好精美，似藝術品一樣咁靚，奶凍好香滑，雲呢拿香濃，果然homemade係唔同D!
甜品過後再飲份杯cappuccino來完結咁prefect既一餐，真係好滿足！
Honey今次book呢間MODERN歐洲菜，真係好好食，而且大開眼界，估唔到原來西餐唔係得扒或者意粉架！今次真係試多左好多唔同既菜式，而且配既酒全部都同主菜好夾，配合得非常好！
呵，希望下次HONEY會帶我再來食過啦，期待！
View previous comments ()
Post
