Video
Read full review
2024-07-14
4639 views
今年生日決定係港島香格里拉食自助餐，六點半第一場，平日星期四睇落有9成入座以上。我哋去嘅時候$808一位，去到先知仲有8折，開心！今期自助餐係賣海鮮主題。龍蝦、青口、蝦、蟹、蜆等海鮮就係基本啦，另外有避風塘蟹鉗，魷魚，烤魚等有烹調過嘅海鮮，可以換下口味。拖羅限時供應，質素唔差，值得一試。熟食方面有點心，飯，麵，湯，雞，牛，串燒，車仔麵等，我就無乜點食留返個肚。今期有一樂燒鵝嘅燒味，推介叉燒，唔肥唔瘦，岩岩好！但我鍾意食嘅燒肉就唔見有喇。記得聽到鐘聲去排老火湯，我哋拎左兩盅，胡椒豬肚雞湯，胡椒味唔算重，清清地，加上岩岩滾起，鍾意飲熱湯可以去拎返盅試下。甜食方面有少見嘅雞蛋仔、格仔餅、泰昌餅家嘅蛋撻(八點左右先出)等，個人覺得好食過好多雞蛋仔店，師傅剪開每一份4至5粒，唔會食飽個肚，夠細心！另外有榴槤蛋撻，我就無食喇。飲品方面選擇唔算多，除左果汁，仲有三款口味嘅珍珠奶茶: 原味、芋頭、蜜瓜，無得揀甜度。另外每位有一杯飲品，不過差唔多食完有職員黎落單先知，叫左一杯凍檸水就算喇。因為生日，枱面嘅餐枱紙都有寫happy birthday，仲送左個約6寸嘅生日蛋糕，好有心但真係食唔落，最後成個打包
今期自助餐係賣海鮮主題。龍蝦、青口、蝦、蟹、蜆等海鮮就係基本啦，另外有避風塘蟹鉗，魷魚，烤魚等有烹調過嘅海鮮，可以換下口味。拖羅限時供應，質素唔差，值得一試。
熟食方面有點心，飯，麵，湯，雞，牛，串燒，車仔麵等，我就無乜點食留返個肚。今期有一樂燒鵝嘅燒味，推介叉燒，唔肥唔瘦，岩岩好！但我鍾意食嘅燒肉就唔見有喇。記得聽到鐘聲去排老火湯，我哋拎左兩盅，胡椒豬肚雞湯，胡椒味唔算重，清清地，加上岩岩滾起，鍾意飲熱湯可以去拎返盅試下。
甜食方面有少見嘅雞蛋仔、格仔餅、泰昌餅家嘅蛋撻(八點左右先出)等，個人覺得好食過好多雞蛋仔店，師傅剪開每一份4至5粒，唔會食飽個肚，夠細心！另外有榴槤蛋撻，我就無食喇。
飲品方面選擇唔算多，除左果汁，仲有三款口味嘅珍珠奶茶: 原味、芋頭、蜜瓜，無得揀甜度。另外每位有一杯飲品，不過差唔多食完有職員黎落單先知，叫左一杯凍檸水就算喇。
因為生日，枱面嘅餐枱紙都有寫happy birthday，仲送左個約6寸嘅生日蛋糕，好有心但真係食唔落，最後成個打包走。
整體而言，自助餐質素係好的，對比其他自助餐黎講有一啲特色嘅食物，例如雞蛋仔、珍珠奶茶。亦欣賞有同其他餐廳聯乘，一樂同泰昌。講真大部分自助餐食物種類都差唔多，就係要有呢啲先令香格里拉自助餐有獨特性，加深食客印象！
Post
