青悅 (Closed)

黎到青衣城搵食，突然好想食越南菜🇻🇳就黎到二樓的「青悅」黎個Quick Lunch 🍜。午市套餐HKD 52-69 不等， 提供湯河、飯類、咖哩類、點少得撈檬，跟餐附送熱飲一杯。選擇困難症可簡，火車頭湯河（HKD 66): 湯頭清甜，用上牛骨熬煮，色澤較深，牛味香濃生牛肉好粉嫩，呈粉紅色，吾會比湯熱度浸熟，食落嫩口。牛腩比較細啖，全部一口Size ，但肉質比較鞋口。牛筋是比較有咬口個款，吾係焾身，牛丸夠彈牙普通貨。牛栢葉因為比較幼吾會太難吞，加埋蔥花，芽菜、芫荽。龍眼水夠曬甜，飲落滋潤，冬天養生首選。總結：上菜速度快 員工有禮食物質素不錯 下次食其他