囍囍車仔麵 (Closed)

試咗三次，每次都覺幾好味！但係佢嘅流程就認真麻麻…第一次，啱啱開，以本死無大礙嘅心情試一試。米粉可以、清湯good、蘿蔔ok、冬菇not bad、菜decent、而最重要，唯一嘅肉---牛腩……竟然漏咗！慘！即刻call佢地，佢地不停道歉，又問要唔要送到我府上，我話算數，下次計少一樣算啦。第二次，係下一日(因為本人cheap，要追番之前果日漏咗嘅餸)同girlfriend去買，加咗辣。所有野都好味，牛腩都好，不過辣汁就太過油膩。第三次，又係同girlfriend買，星期一dinner time，去到見到幾個人等緊，已心知不妙…卒之等咗半個鐘！等待期間與其它人相視而笑，因為佢地不單止慢，仲要極亂！其實次次都好食，水準唔錯，最好食係迷你貢丸。廚房通常有五六個人，但往往只得一個煮食。如果可以改善流程就very good！住呢區嘅人，大多都知道一間餐廳喺跑馬地生存係幾咁困難，所以希望佢可以繼續好生意。