Video
Read full review
2022-10-09
1509 views
為隆重其事R先生的18對生日，而我又咁岩要去對面海拎野，所以俾左2間餐廳佢揀，最後佢揀左BRESOLA～今日我地book左7:15，餐廳職員都早半個鐘打黎問我地係未會到，但最後我地都係遲到(因為我同大股東搭錯電車)，我地去到既時候，R先生已經坐左係到等我地～去到個環境，覺得好grand，可能西餐廳既關係，因為燈光比較暗，而門口已經係電車站，都幾得意～餐廳唔算大，大概只有6張枱到，我地都坐得幾舒服，我地打開餐牌時，未有頭緒想食咩既時候，侍應去埋黎話俾我地聽是日精選同佢地出名係D咩，R先生睇左1陣，就叫左呢幾個菜:⁃ Tuna Salad⁃ Steamed N.Z. Blue Mussels⁃ Rosemary Lamb Chops⁃ Linguine Carbonara With Smoked Salmon咁叫完菜，以我地2個酒鬼性格，食西餐好難唔飲酒架嘛，所以我地就叫多左枝白酒:⁃ Chardonnay ’18: Bonarda: AE之後白酒黎到，因為我地講唔想飲D咁甜既白酒，所以我地揀左枝酒味重D既，而入口亦都好舒服，呢個侍應哥哥非常專業～傾左陣計，食物就黎到喇，就先係St
今日我地book左7:15，餐廳職員都早半個鐘打黎問我地係未會到，但最後我地都係遲到(因為我同大股東搭錯電車)，我地去到既時候，R先生已經坐左係到等我地～
去到個環境，覺得好grand，可能西餐廳既關係，因為燈光比較暗，而門口已經係電車站，都幾得意～
餐廳唔算大，大概只有6張枱到，我地都坐得幾舒服，我地打開餐牌時，未有頭緒想食咩既時候，侍應去埋黎話俾我地聽是日精選同佢地出名係D咩，R先生睇左1陣，就叫左呢幾個菜:
⁃ Tuna Salad
⁃ Steamed N.Z. Blue Mussels
⁃ Rosemary Lamb Chops
⁃ Linguine Carbonara With Smoked Salmon
咁叫完菜，以我地2個酒鬼性格，食西餐好難唔飲酒架嘛，所以我地就叫多左枝白酒:
⁃ Chardonnay ’18: Bonarda: AE
之後白酒黎到，因為我地講唔想飲D咁甜既白酒，所以我地揀左枝酒味重D既，而入口亦都好舒服，呢個侍應哥哥非常專業～
傾左陣計，食物就黎到喇，就先係Steamed N.Z. Blue Mussels，以前我對青口係有少少抗拒，但呢幾年都開始食，青口個汁有少少辣，但配落青口到唔錯，加埋白酒，開心仔～
然後既Tuna Salad亦係出色，吞拿魚夠厚，食落去亦都唔腥，唔錯唔錯～
黎到羊架，雖然大股東成日話唔食，但係都係食左，有3舊，我地3個人岩岩，羊架我地覺得普普通通，但重點在於薯蓉，個薯蓉係有薯粒架，食落去好似食緊薯仔咁勁開心～
因為我地覺得唔夠食，所以叫左個卡邦尼意粉，卡邦尼亦都係我同R先生既喜愛之一，所以我地就叫左佢，呢到既卡邦尼有齊我地芝士同忌廉，醬汁做得好豐富，好有口感，意粉亦都剛剛好～
正當我地見個Memu係冇甜品，要出去搵甜品食之濟，服務好好既侍應哥哥即刻為我地遞上甜品Memu (真係好貼心)，我地睇完就叫左以下甜品:
⁃ Tiramisu
⁃ Affogato
我地首先係食左Tiramisu，蛋糕做得好棉，令我地1食落口就熔左，好好食～
至於Affogato係R先生獨享，佢話咖啡既香撞落雪糕上，感覺得好神奇，飲落去就好似泡沫咖啡既味道，所以佢就好快食曬(定飲曬呢)～
總結: 呢1餐當然唔平，但食物相當高質，由揀酒到揀甜品既過程，侍應哥哥都俾左好多意見我地，而且侍應哥哥都獨狂同我地講笑，由於大股東唔飲酒既關係，佢同侍應哥哥講佢渣車唔飲得酒，侍應哥哥就不停叫佢下次黎食飯唔好渣車。重有佢同R先生講秘密，哄到R先生好開心，所以我最後都有俾貼士，我地亦都過左1個好歡樂既夜晚～
P. S. 我見餐廳係Openrice有coupon，book位時睇下用唔用到？ 利申: 我岩岩先睇到
Post
