Video
Read full review
2015-02-08
651 views
過了幾月，再次黎到太子始創中心既RBTea唯獨不同的是這次有朋友相伴又係要等位，真心估唔到呢個位都可以有咁多客上黎用餐終於順利入座，當然要快快手拎餐牌揀食物啦！翻了翻主餐牌，選擇眾多，由小食到主菜到甜品到飲品……一向選擇困難，心大心細的我倆又再次難以下決定「喂！真係好肚餓囉！」「我夠係囉！但都要揀想食既野架！」「唉，好煩！次次都係咁，唔知食咩好。」「咁點姐？」然後翻開另一個餐牌……咦！情人節套餐？甜蜜窩心情人節套餐包一份主食、一份小食、兩杯飲品及一份班戟另外會附送兩塊馬卡龍詳細款式餐牌有列明，只可選指定款咁就啱啦！幫我地篩走好多款式，但又至於冇得揀，真心方便好多，仲唔使嘈！唔諗咁多，一於就食佢啦:^d店內採取半自助形式，即是點餐及付錢一次過親自去收銀處搞掂落單後仍然係有熟悉既兔子鐵牌都係果句啦，真係細到有少許難睇清馬卡龍就隨落單時，順帶送出馬卡龍禮品包裝成一個透明小球，掛著可愛既心型紙牌上面寫著'Be My Valentine'相信情侶收到如此精緻既小禮品，心裏應該比馬卡龍本身更甜絲絲:^)一款係咖啡味，一款係莓果味，總有點角色定型既感覺xd馬卡龍外殼酥脆不黏，乾爽平滑，造工精細，完全
過了幾月，再次黎到太子始創中心既RBTea
唯獨不同的是這次有朋友相伴
又係要等位，真心估唔到呢個位都可以有咁多客上黎用餐
終於順利入座，當然要快快手拎餐牌揀食物啦！
翻了翻主餐牌，選擇眾多，由小食到主菜到甜品到飲品……
一向選擇困難，心大心細的我倆又再次難以下決定
「喂！真係好肚餓囉！」
「我夠係囉！但都要揀想食既野架！」
「唉，好煩！次次都係咁，唔知食咩好。」
「咁點姐？」
然後翻開另一個餐牌……咦！情人節套餐？
甜蜜窩心情人節套餐包一份主食、一份小食、兩杯飲品及一份班戟另外會附送兩塊馬卡龍
詳細款式餐牌有列明，只可選指定款
咁就啱啦！幫我地篩走好多款式，但又至於冇得揀，真心方便好多，仲唔使嘈！
唔諗咁多，一於就食佢啦:^d
店內採取半自助形式，即是點餐及付錢一次過親自去收銀處搞掂落單後仍然係有熟悉既兔子鐵牌
都係果句啦，真係細到有少許難睇清
馬卡龍就隨落單時，順帶送出
馬卡龍
43 views
0 likes
0 comments
上面寫著'Be My Valentine'
相信情侶收到如此精緻既小禮品，心裏應該比馬卡龍本身更甜絲絲:^)
一款係咖啡味，一款係莓果味，總有點角色定型既感覺xd
馬卡龍外殼酥脆不黏，乾爽平滑，造工精細，完全唔係想像中既隨隨便便
貼住夾心既內層則是煙韌香甜，帶有濃重既杏仁粉香氣
咖啡味夾餡甜而不膩，佔量亦適中
但咖啡香味主要集中係小圓餅部分，而味道係偏似即沖咖啡既帶奶帶糖既咖啡香
莓果味既夾餡則黏稠得多，比一般果醬更乾身少水分
大概可稱之為果膏，酸甜味濃，果香微微散發
夠自然夠清新，還有點莓果籽既脆感咬口，令其甜膩度大減
香濃忌廉蛤蜊意粉
26 views
0 likes
0 comments
份量比想像中多，驟眼看去亦頗為足料大方
未食就已經聞到好濃郁既忌廉醬汁香氣，賣相令人垂涎
蛤蜊每隻都係開哂口，並非易爛易碎，離哂殼霉哂既貨色
入口係想像之外既豐潤帶汁，沒有苦澀不新鮮既味道
肉質稔身微彈，稍有嚼勁，熱度均勻又無雪藏味
意粉還蠻彈牙爽口的，稔身但不淋爛，富有嚼勁
雖然我都唔期望會食到麵香麵甜，但煮得熟度還好，給他合格吧！
醬汁稠滑香口，帶鹹，沾得上貼得緊每條麵條，十分夠味
再者，幸好有少許黑椒及香草加持，味道亦不會過膩
香腸西蘭花芝士薄脆
29 views
0 likes
0 comments
聽朋友講呢度既薄脆係食得過既，因此我地捨翼取餅
呢度不得不說說，我地落單，上完食完主食之後，佢地竟然先送上甜品
其後我地追番單先有番呢份小食
俾到我既感覺係呢度既服務有點混亂，固然職員態度仍是可接受的
好啦我地就試下RBTea既薄脆小食！
由於烤焗過，外層乾身帶脆，食時更是有點點焦香惹味
配料食材裏頭還能保持少少濕潤，唔會焗完乾得參口（Y）
而頭既芝士溶哂，選用的款式係唔係會牽絲既
不過烤得香脆，焦香逸然，加上芝士本有鹹香，冇牽絲都係唔錯既
餅底薄身夠均勻，冇一邊厚韌一邊薄稔
我中意佢薄得黎唔會太濕稔，焗後全塊都係又脆又夠承托力
也許底膏都只係淡淡一抹，不太會吸收
呢個小食原本唔跟餐既價錢係$40左右，整體而言叫可以一試:^0
草莓花園班戟
37 views
2 likes
0 comments
呢份班戟係情人節限定款式，先前既主食及小食都係恆常款式
心形外形切合主題，但實話實說賣相毫不討好
尤像在家自製，煎數片鬆餅，疊起後隨便抹上一大堆忌廉……
你可以叫佢手工風味，在我們看來就只是馬虎粗糙
自細經常聽到別人說不要以貌取人
而家個班戟睇落就麻麻啦，食落……唔知會唔會有驚喜呢？
忌廉部分綿密細滑，入口頗香又不太甜膩，是我可以接受既自家打發版本
士多啤梨味既味道似食熊仔餅夾心或是普通Pocky外層
不算自然但易入口，沒有過份藥水味
而熱香餅餅鬆軟濕潤，像棉花糖般輕柔又帶少許彈性，未至於散爛
雖是有點膩，但同時油香濃郁，且有微薄鹹香
配上甜絲絲既忌廉，互補之下稍為減淡膩滯感
表面灑上紫粉紅色脆糖，薄脆質感與厚綿鬆餅截然不同
加添層次，亦頗有玩味:^)
只係鬆餅呢家野，抵唔抵食就真係見人見智
要揀類似既我就寧要吐司或窩夫
另外美味與否，除左睇師傅功力，更視乎個人口味及要求
閱讀任何評論或詮釋時，請謹記那些只是作者或大眾既感想，不一定係唯一準則
熱珍珠奶茶
17 views
0 likes
0 comments
熱珍珠奶茶甫入座時見到隔離枱飲緊，睇落幾得意幾好玩咁，不禁點了一壺嚐嚐
上桌時奶茶及珍珠係分開既，珍珠先裝入杯
本身珍珠味道唔算好濃，甜香度一般
但因為放涼少許，已經黏成一大團:^3
徐徐注入熱奶茶，看著慢慢升起的一縷縷白煙，我已迫不及待要乾了！
奶茶甜度適中，茶味不算突出
飲落同平時既珍珠奶茶沒兩樣，只係佢奶香普普但偏稠偏滑
充滿韌勁既珍珠此時則可幫忙化解甜膩感
熱水果茶
19 views
0 likes
0 comments
熱水果茶果茶及水果粒都係分開上枱既
熱水果茶香氣瞬速從窄小的壺嘴竄出，水果果香加上一份甜，半份酸
水果茶落到杯子裏頭愈加猖狂，又是一下下的誘惑人心
呢度既水果茶味道偏甜，酸香只及一半
還好果香自然不人工，加上水果粒，果味更濃更深邃
酸甜交加既水果茶十分開胃，一路食一路飲仲好解膩添:^)
結果我地食完仲坐係度吹左輪水才肯動身
不過當時已經近九點，冇咩人等緊位，我地至會任意逗留
談談個人事及朋友事，再兜番黎飲食
兩人都認為這裏的服務效率還是要改善改善
Post
