天天海南雞飯 (Fashion Walk)

Open Now

Now Closed

呢間過江龍好耐之前已經聽過，一路都知佢係星加坡老字號同埋米芝蓮。一坐低就有碟前菜，係哈密瓜配百香果醬，酸酸甜甜夠晒開胃。海南雞佢個海南雞係用咗白雞，所以比平時出面食嗰啲冇咁黃同肥，再淋上帶少少甜味嘅雞汁，唔會話好膩同邪惡感重😈。如果真係都驚膩嘅話可以再點啲青檸汁。天天石鍋雞油飯平時出面食嗰啲海南雞飯都係一小碗，佢呢個可以一鍋叫。個油飯係以石鍋上再用木蓋蓋住，唔驚啲飯咁快凍曬馬拉盞炒通菜通常出去食都會好驚佢好鹹，但佢呢個炒得啱啱好。青咖喱（牛）咖喱可以自己自由揀咩肉，我就揀左牛肉。啲肉都好淋，個咖喱汁唔辣，就算唔係好食得辣嘅朋友都可以食，送飯一流。佢呢間啲份量都叫大，啱晒re u 或者同一班friend一齊食。唔驚唔夠飽，又可以食到多款嘢食。