La. Tomokuo Japanese & Western Cuisine (Closed)

喱間位於觀塘工廈區嘅西餐廳，主打日式+西式嘅fusion料理，聽起黎感覺已經幾新鮮。秘製招牌雞翼+香脆芝心牛肉波:雞翼烤到個外皮好香，咬落去啲雞肉仲係好嫩好juicy，香料味好重，配埋個辣汁，唔錯喎。牛肉波嘅芝士味唔算好重，不過牛肉味就幾濃，加上入口香脆，喱兩樣作為餐前小食真係幾開胃。蔥燒雞卷配照燒汁:外皮煎到微焦，所以會帶點甘香嘅味道。照燒汁香甜惹味，加上芝麻嘅點聚，整體調味出色。燒美國肉眼配黑椒汁:肉眼扒叫左medium，烹調嘅火喉掌控得幾好，入口依然保持住好juicy，好鮮嫩嘅肉感。牛味濃郁，整體水準幾高。旁邊伴碟嘅蔬菜吸收哂牛油同汁液嘅精華，味道好好。