夢樂園 (Closed)

貓貓貓貓🐱一間有野飲有野食有貓玩既cafe😄喺尖沙咀行街行都有啲肚餓，喺北京道見到有依間以貓做主題嘅Cafe，便同朋友沖咗上去做下貓奴！餐廳喺尖沙咀北京道環球商業大廈2樓，iSquare對面，有lift 搭上去2樓,唔使行樓梯 😊推開門就見到有一個貓corner，有貓樹有貓玩具仲有board game添，當日有四隻貓貓🐱，有一隻黑貓一隻灰貓同埋兩隻三色貓！隻黑貓超級活躍，會成日主動撩我哋同佢玩！我同朋友分別叫咗兩個套餐，一個肉燥稻庭烏冬，一個肉燥飯，小食叫咗炸花枝丸同埋紅油炒手，而飲品叫咗紅豆冰同珍珠奶茶！稻庭烏冬既烏冬好彈牙，超好味😋，肉燥飯都唔錯呀，飯面仲有一大塊紫菜及兩片青瓜，有菜有肉營養均衡！最值得推介係杯紅豆冰，紅豆冰睇得又飲得，面頭有貓爪設計！紅豆冰係用豆漿沖嘅，我諗同大家喺其他餐廳飲嘅唔同,用豆漿沖嘅味道好有豆香味！又唔會有太飽太滯既感覺 今餐食得好滿足呀，除咗食物唔錯外，仲有貓貓既陪伴，尤其係隻黑貓！好黏人玩好可愛！