Belgica (Closed)

一般都會試過間餐廳，消化一兩日先會寫食評，由於今次試嘅係Restaurant Week Dinner Menu，決定盡快完成，亦都係一個好機會認識Belgica。之前試過一次星期日下午去，喺無訂位嘅情況下到現場，可惜撞啱休息日，今次喺Restaurant Week 嘅list 上搵得返哩間有參與，好快就決定訂位。到咗餐廳感覺有點兒悶熱，坐咗一陣先回到氣，點餐方面就因為兩個人去，而Restaurant Week Dinner Menu，大部分都喺兩個選擇，所以好快就搞掂。前菜有蕃茄蝦沙津同蕃茄冷濃湯，兩者都好清新，特別要讚嘅係個凍湯，一般都認為濃湯都會好咸，不過飲落唔單止味道適中仲好fresh好開胃。主菜就揀咗Belgian cream mussels 同Black Angus Rib Eye Steak，青口好嫩，個汁的確好creamy但唔會太膩，只係分量係少咗啲，好大癮想試埋其餘嗰幾款。但係亦都因為分量少於預期，令到可以有足夠胃口享用medium rare 嘅牛扒，牛扒係切好上嘅，食落去好方面，medium rare 係剛剛有好脆嘅皮又有充滿肉汁嘅嫩肉，有幾件係連上一點脂肪，好香口！