Mirage Bar & Restaurant

Open Now

Now Closed

最近Dining city ，就喺入面嘅餐廳搵間同朋友慶祝生日~見到依間有海景，又有live Band好似好啱慶祝咁。加上個Menu有擔擔burrata 都好似幾吸引咁。隔咗一日打返個食評睇返個Menu先知原來用嘅係植物肉🤣都真係幾似豬肉，但擔擔辣醬太濃味，同burrata cheese好似有啲唔夾，蓋過咗burrata cheese嘅奶香味生牛肉他他就普普通通呢個芝士通心粉用嘅係粗管意粉都幾有嚼頭😆芝士味濃郁，但略嫌有少少膩，蝦肉彈牙。個牛扒都係正常發揮，和牛西冷肉質柔軟，有油脂香，比較喜歡薯條點嗰個麻辣蛋黃醬，都幾特別。最後尾嗌咗開心果味同奶茶味嘅Gelato，但來錯咗芒果味嘅，可能隻色太似🤣我覺得佢唔算係好食嘅Gelato，開心果味有啲單薄，反而奶茶味幾濃郁。最後個甜品拼盤係一個玫瑰味嘅mousse cake&馬卡龍，覺得太甜。而且remark 寫咗慶祝生日，但餐廳Miss咗個request 直接上咗個蛋糕，冇咗個驚喜🥲但餐廳都好好，即刻做返俾我哋，個歌手仲會行去我哋枱邊唱生日歌俾我地～總括而言覺得食物正正常常冇乜特別，但樓底好高同景觀開揚，坐嘅環境都幾舒服。