Vision 8

琴晚與家人去左係荃灣既vision 8食飯，成間舖既裝修好西式，擺設都好有特色。暗淡柔和嘅燈光令人可以放鬆，休息一下。一坐低，侍應就拎左本餐牌比我地睇，又主動介紹一下，服務態度幾好。款式方面都幾多選擇，價錢最平都要130蚊以上，對比附近既餐廳呢個價錢係中上。相信質素也不錯。 最後嗌左個煙三文魚薄餅同埋香煎帶子忌廉菠菜汁意粉。個薄餅size同pizza hut 既迷你批差唔多。薄餅個口感好香脆，餅底薄同脆，不過有少少硬，好考牙力。而煙三文魚既味道好出，一d都唔腥，帶少少煙燻味，幾好既配合，略為咸左少少。之後個意粉有三粒帶子，其實個分量對我來說不多，唔大食既女仔我唸都係岩岩好。意粉個汁好creamy，帶子煎到金黃色，粒粒都新鮮又彈牙，唯獨係意粉有d硬身，如果中意有咬口既人應該覺得ok，正宗嘅煮法。但我覺得可以冧少少就岩香港人口味 。上面嘅沙律菜好fresh,平衡了營養。