ROYAL INN

Open Now

Now Closed

餐廳：Royal INN地點：尖沙咀The ONE菜式：法國菜餐牌：午市餐牌有7款主菜揀，價錢由$138至$218不等，另加一。包前菜4選1同$28或以下飲品，可加錢叫甜品。法式龍蝦濃湯 跟餐加$38 另加一法式龍蝦濃湯色水呈橙色，面頭加上少少忌廉同蔥花，味道帶濃濃龍蝦味。跟一片脆口多士，冇特別搽野，可以點湯食。法式寶雲酥羊架 $168 另加一法式寶雲酥羊架一客兩大件，口感又腍又嫩，面頭加上大量脆脆，口感豐富，味道唔羶，加上少少黑醋更好味。配有蔬菜：南瓜蓉又甜又滑；蘆筍4條好新鮮；串茄3隻超甜多汁。仲有少少沙律菜同花瓣點綴。呢道菜價錢唔貴！香煎北海道帶子海膽意大利飯 $168 另加一兩大隻香煎北海道帶子煎得燶面而入面仲生生地，食落鮮味又嫩口，好出色！海膽意大利飯色水呈奪目橙色，好有咬口，微甜微酸咁，味道唔錯。加上Parmesan 芝士片，青醬，同黑醋，味道更多層次。厨師仲加上少少沙律雜菜同花瓣點綴。餐飲包$28或以下飲品。熱檸水 （跟餐）熱檸水有兩片檸檬，附上一包糖。今餐主菜質素唔錯，好鍾意呢度會定時轉餐牌可以試新野。餐廳裝修非常之有法國特色，有一道大大巴黎凱旋門，而且仲放滿鮮花絲花。