紅粉佳人 (Closed)

我細細個(只不過係中學的時候)已經聽個呢個名啦!如果你. 或者你女朋友/心儀對象鍾意粉紅色. 你地又咁岩鍾意食三文魚. 咁就要試下紅粉佳人啦 餐廳名都算改得幾有心思呀.今次hungry cam同佢主人去左位於油麻地的紅粉佳人. 地鐵站行大概5-10分鐘到.都算就腳.黎到食三文魚的地方點可以唔叫三文魚?!頭盤係喜出望外. 暖暖的蒜蓉法包附上一碟三文魚醬. 可以點麵包.Caesar salad都好足料! 有蕃茹. 青瓜. 生菜. 麵包糠. 仲有煙肉粒. 滿足哂覺得食草好似好健康的你特別點左個泡沬煙三文魚忌廉湯. 幾特別因為乍看會以為係杯cappuccino. 少少咸.Hungry cam主人的朋友大食. 揀左個排餐. 有三文魚排. 羊排. 同牛排. 牛排就一般般不過另外兩款都算唔錯喎.至於hungry cam主人就揀左個錫紙焗蕃茄汁海鮮天使麵. 侍應會係你面前劏開條魚 Haha講笑係劏開包住條魚黎焗的錫紙咋. 三文魚當然無排餐的咁大份.  正常份量啦但海鮮都幾足料. 每款都有兩份! 都係例牌的蝦. 青口. 魷魚. 蟹柳. 另外店主都唔客氣放埋紅黃青椒仲有大大隻蕃茄.最後點少得以甜品作結!