Video
Read full review
2019-06-09
31 views
今日天氣好好，老公提議先去中環食個 happy lunch，然後再返舊屋打點。本來仲盤算緊應該去邊間餐廳食晏，估唔到原來老公早有準備，說要帶我去吃 Overtimed Lunch。初頭聽到有啲一頭霧水，原來老公話最近有朋及推介咗間酒吧餐廳俾佢，午市嘅 Set Lunch 供應時間超長，由中午 12:00 至晚上 8:00，而且套餐選擇非常之多，所以想帶我去試下。餐廳位於威靈頓街 198 號 The Wellington UG，店內面積頗大，佔地全層，地方寬敞闊落，有極強空間感，加上陽光透過窗邊微微灑進，開揚光猛，環境既悠閒又舒服，讓人感覺 Relax！先拿起店員送上的餐牌細看，午餐選擇果然豐富，有成 12 款，定價由 $88- $168 不等，全部包沙律、餐湯、果汁或汽水。如果唔想食套餐嘅話，當然亦可以散點，餐廳有不少特色小食及串燒等供應，而且店舖標榜用備長炭，應該是美味的保證。我揀咗北海道湯咖哩鷹䱽魚及帶子配白飯，而老公就揀咗炭燒天多尼式澳洲穀飼黑安格斯肉眼。先來沙律同餐湯，沙律新鮮清爽，賣相不錯，內有雜菜、車厘茄、青瓜、紅蘿蔔絲等，配上酸咪咪的醋汁，清新又開胃。是日餐湯為 Roa
餐廳位於威靈頓街 198 號 The Wellington UG，店內面積頗大，佔地全層，地方寬敞闊落，有極強空間感，加上陽光透過窗邊微微灑進，開揚光猛，環境既悠閒又舒服，讓人感覺 Relax！
先拿起店員送上的餐牌細看，午餐選擇果然豐富，有成 12 款，定價由 $88- $168 不等，全部包沙律、餐湯、果汁或汽水。如果唔想食套餐嘅話，當然亦可以散點，餐廳有不少特色小食及串燒等供應，而且店舖標榜用備長炭，應該是美味的保證。
我揀咗北海道湯咖哩鷹䱽魚及帶子配白飯，而老公就揀咗炭燒天多尼式澳洲穀飼黑安格斯肉眼。先來沙律同餐湯，沙律新鮮清爽，賣相不錯，內有雜菜、車厘茄、青瓜、紅蘿蔔絲等，配上酸咪咪的醋汁，清新又開胃。是日餐湯為 Roasted Tomato Soup，餐湯看起來有點稀，似乎不夠濃郁，但原來喝起來挺有番茄味，入口酸香帶甜，是意料之外，很不錯！
我點的北海道湯咖哩鷹䱽魚及帶子配雜根菜及白飯 ($148) 接著送上，湯咖哩有不同辣度，由 3 至 10 度可供擇，因為不太吃得辣，所以我只係揀咗 3 度。先嘗一口咖哩湯，味道唔錯，稀稠度適中，充滿蔬菜的甜香，微辣香辛。
至於配菜方面，用料亦絕不手軟，除了鷹䱽魚和帶子外，仲有青紅椒、 秋葵、蓮藕、薯仔、南瓜和茄子等，超級豐富。初頭仲以為條魚只係得魚身一截，食到尾先發現原來係放入了整整一條魚，頭尾浸咗喺湯咖哩內。鷹䱽夠厚肉又魚味濃，配襯著咖哩湯一起享用，超匹配。
接著輪到試下老公點的炭燒天多尼式澳洲120日穀飼黑安格斯肉眼配薯條及雜菜 ($168)。牛扒非常大塊，份量十足，面層烤成帶格紋的深褐色，上桌時散發著陣陣炭燒香氣。切下一小塊放入嘴中慢嚼，肉質外脆裡嫩，既軟熟又不油膩，整個口腔都充斥著濃濃的牛肉汁芳香。旁邊的炸薯條，水準亦不俗，條條都香脆無比，吃過一條以後就停不了口，真的會讓人吃上癮。
餐廳標榜用備長炭，既然一場嚟到，就點幾款串燒試下，有燒白鱔 ($48)、特選厚切牛舌串 ($48) 同鹿兒島赤雞腎 ($29)。新鮮白鱔烤至外皮微脆，食落肉質幼嫩，而且不會燒得太乾身，入口啖啖肉。牛舌大塊厚身，咬下爽脆不韌，每一口都充滿肉汁，不油不膩，羶味亦絕不強烈。雞腎燒得香脆爽口，非常惹味。
午餐包果汁或汽水，果汁有橙汁、菠蘿汁、紅莓汁、蘋果汁等可供選擇。這頓午餐吃得十分滿意，兩個人吃得飽飽，消磨了兩、個鐘，埋單亦不用 $500，加上環境極舒服，寫意悠閒，超級滿足。
Post
