Passion (Closed)

黎到passion，第一時間會諗起好精緻嘅甜品，不其然就會撲左去甜品櫃度，先行欣賞一番。但今次嘅驚喜，竟然係來自鹹食同飲品！叫左杯pistachio latte，本身係覺得呢杯會係好特別，但唔會好飲，完全係因為我有冒險精神先叫呢杯嘢。點知，佢真係好好飲。係難以用筆墨形容嘅好飲。一片薄薄而半溶嘅朱古力下面，係綠綠黃黃嘅開心果奶。質感好thick，有少少似漿，入口好順滑。開心果嘅味道好香濃，nutty再加上milky，配合起黎無違和感。Brie cheese pizza都係另一亮點。一向都好中意法國Brie cheese，因為佢嘅味道唔會太濃烈，而質感係比水牛芝士軟稔少少，但又帶點韌度，用黎伴crackers食真係不得了。呢個pizza嘅中心鋪左厚厚嘅Brie cheese，仲有拉絲效果。酸甜嘅番茄平衡左芝士微微嘅膩感，其實唔洗再加其他配料都已經好出色。如果要挑剔嘅話，就係環境真係有啲狹窄，好似要同隔離枱迫住迫住咁，尤其因為大部份都係高身六人枱，食得唔係好舒服。