Staunton's Wine Bar & Cafe (Under Renovation)

朋友提議來吃Salad Buffet，見天時暑熱食salad都唔錯，所以就來了。其實這裡是Staunton’s Wine Bar樓上叫Scirocco的地方，面積不大，佈置幾舒服，三五知己來傾計唔錯。湯是忌廉番茄湯，濃濃的味道不俗，有水準。麵包就只得法包及麥包兩種，還是涷涷的，搽的都只是普通的牛油。熱盤有燴牛尾及香草縲絲粉，牛尾炆得很林很入味，加上紅蘿蔔及薯仔做配菜，來吃灑滿香草的三色縲絲粉很正。甜品有生果及朱古力蛋糕，朱古力蛋糕淋上custard唔錯。反而生果就好唔掂，暖暖的似擺左好耐。選了熱咖啡，完全唔掂，飲左一淡就放棄！埋單58蚊再加一，以地點來說是抵食的。