野玩山店 (Closed)

野玩有三間分店，book 灣仔呢間，都係因為佢有Semi-buffet。俾一個main course 價錢，可以任食沙律同生果甜品。主食選擇都算多，有意粉、海鮮、同肉類。套餐仲包埋餐包、餐湯、仲有餐飲。揀豬仔骨同羊架，份量一d都唔少。唔知係咪因為羊架貴d, 薯菜係薯皇黎，而豬仔骨係薯條。主食味道都Ok, 羊架有小小蘇，不過豬仔骨唔係太霖。其實食完沙律已經飽飽地，所以建議大家唔好食太多，唔係就食唔到主菜同甜品架啦。甜品大約有7，8款，tiramisu 幾好食。生果有菠蘿、蜜瓜、西瓜、火龍果，蘋果同燈。兩個人食連加一，唔使$500。可以食到飽，就算幾大食都唔怕啦。餐廳燈光比較暗，有情調，但可惜比較嘈，二人卡位唔多，同隔離枱距離比較近，比較適合朋友或家庭聚會。