Video
Read full review
2017-12-16
711 views
Semi Buffet 我一向都比較少食，所以都唔知道邊度有好嘅選擇，呢間餐廳係一個同事曾經食過，覺得唔錯而推介，今次我哋浩浩蕩蕩一行14人嚟到，中午嘅時間人流唔算多，12點半鐘到都係坐滿一半。Semi Buffet顧名思義頭盤以buffet形式自己選擇，再揀選一款主菜以及甜品再配上咖啡或茶。先講講頭盤款式，款式都不下20款。 由冷盤三款生蠔開始，再到琵琶蝦，翡翠螺，各款魚生，壽司，卷物，三四款沙律，沙律菜，水果，各款cold cut，芝士，等等。 而主菜方面亦都有幾款俾你揀，當日好多同事都叫咗beef wellington， 而我就揀咗三文魚，配有蟹肉伴以青豆汁，肉質嫩滑，青豆汁味道鮮甜可惜鹽分偏高，有啲曬咗，仲配有兩粒海膽意大利雲吞，但我覺得一啲海膽嘅味道都冇，反而係好似好實肉嘅蝦餃咁。主菜份量唔算大但已經足夠。而牛肉威靈頓方面，同事都話有一陣膶腸既味道，我估計係入邊鵝肝醬加上煙肉，先至可以配合出一種咁奇妙嘅效果，眼見肉都係粉紅色嘅，金黃色嘅酥皮望落都有板有眼，但同事們一致嘅評語竟然平平無奇，雖然大家都知道係功夫菜，但味道得唔到大家嘅認同。而甜品方面有兩款我好慶幸自己叫咗個焗梨批，
Semi Buffet顧名思義頭盤以buffet形式自己選擇，再揀選一款主菜以及甜品再配上咖啡或茶。
先講講頭盤款式，款式都不下20款。 由冷盤三款生蠔開始，再到琵琶蝦，翡翠螺，各款魚生，壽司，卷物，三四款沙律，沙律菜，水果，各款cold cut，芝士，等等。
而主菜方面亦都有幾款俾你揀，當日好多同事都叫咗beef wellington， 而我就揀咗三文魚，配有蟹肉伴以青豆汁，肉質嫩滑，青豆汁味道鮮甜可惜鹽分偏高，有啲曬咗，仲配有兩粒海膽意大利雲吞，但我覺得一啲海膽嘅味道都冇，反而係好似好實肉嘅蝦餃咁。主菜份量唔算大但已經足夠。
而牛肉威靈頓方面，同事都話有一陣膶腸既味道，我估計係入邊鵝肝醬加上煙肉，先至可以配合出一種咁奇妙嘅效果，眼見肉都係粉紅色嘅，金黃色嘅酥皮望落都有板有眼，但同事們一致嘅評語竟然平平無奇，雖然大家都知道係功夫菜，但味道得唔到大家嘅認同。
而甜品方面有兩款我好慶幸自己叫咗個焗梨批，我淨係食咗入邊嘅梨，煮過嘅當然味道偏甜，而外面嘅皮的確好鬆化，見到同事嗰個朱古力撻，再加上蛋白打成嘅糖霜，甜到爆燈，我覺得一個朱古力撻三個人分都可以。
總括來講：前菜選擇多比較突出，主菜就中規中矩，甜品有啲失色。但係呢餐唔使自己俾錢，所以都係食得開心嘅
Post
