agnès b. le pain grillé (Closed)

朋友KS 生日...佢話明想食法國菜.....於是黎左呢間.....兩個人....食左:mussels - 鮮甜味美....令我係咁用D飽點汁食...帶子乾蕃茄沙律 - 切碎鮮帶子混入乾蕃茄撈埋....做法特別...KS 食完大讚...焗釀龍蝦 - 一開二.....賣相討好....唔係唔好味....但係唔突出.....加上一路食餐飽都食飽....食呢味時已飽到上心口....有夾硬食的感覺.....餐飽新鮮焗製.....超好味....我地每人食左三個....攪到真係冇胃食甜品....勁抵讚既係佢地既服務......真係冇得頂....個個親切有禮貌....服務好到冇人有....我好耐都冇感受過咁星級既服務.....佢地又好醒地知道幾時會埋黎....又會同你傾下計...完全唔令人討厭....隔離小情侶黎食生日飯...一入座後閃光燈閃過唔停...小情侶居然帶左4部 DC 黎影相 (!!!!!)...服務員都好樂意幫佢地"渣" 機.....埋單$805...我覺得物有所值.....