文記車仔麵 (福榮街)

Open Now

Now Closed

一間平平無奇嘅車仔麵周街都有得食，但唯獨是深水埗呢間車仔麵就每一日都大排長龍，到底佢有啲咩吸引，今日決定去試一試。等咗大概一個鐘先有得入座，可能因為係假日，而且係晚飯時間，但食完之後我都覺得係值得嘅。我都幾鍾意食辣，叫咗個小辣嘅車仔麵，好惹味！特別推介佢個瑞士雞翼同埋腐乳通菜，瑞士雞翼真係好入味好好食，通菜好新鮮唔會太腍，有咬口，而且嘢食價錢合理唔太貴，所以嗌多幾個餸都唔使肉痛。服務員好細心，態度好好，會指示你將個袋擺喺椅子下面嘅籃，所以雖然店舖細細，坐好多人，但因為你唔使攬住個袋食飯，你會覺得舒服好多，冇咁局促。