八刀麵館

Open Now

Now Closed

同媽咪喺上環西港城Shopping完，就行去附近好多人推薦嘅麵館 — 八刀麵館醫肚。呢間小店真係高CP值之選，無論係湯底、配料定係麵條都做得一絲不苟，令人一試難忘！😋店面唔算大，但係乾淨企理，充滿住街坊小店嘅溫馨感覺。我哋去到嘅時候差唔多坐滿晒人，好彩仲有位。睇個餐牌，麵嘅種類都幾多，價錢亦都好合理。最後我哋每人點咗一碗招牌麵。八刀湯牛腩撈面 (配油麵) ($55)雖然叫咗少麵，但係份量都好多！💪🏻 牛腩炆得啱啱好，肉連筋膜，口感煙韌軟糯，入口即化。油麵掛汁一流，加上佢哋嘅秘製辣椒油，真係正到無朋友！🌶️ 我平時好少食油麵，驚太油膩，但係呢度嘅油麵完全唔會，反而好香好惹味，食完都唔會覺得好滯。媽咪叫咗 豬雜王（細）配米粉 ($45)鍾意食豬雜既朋友必食! 豬潤、豬心、豬粉腸、豬肺、豬大腸、豬肚，仲有平時好少見嘅蝴蝶腩，全部都齊晒！😍 處理內臟真係好花時間心機，但係八刀麵館做得非常乾淨，完全冇腥味，非常新鮮。就連我平時麻麻哋豬雜嘅人都忍唔住試咗幾啖，真係好驚喜！豬心爽口彈牙，豬潤鮮嫩滑溜，其他內臟都處理得好好，冇過熟或者過生嘅情況。胡椒湯底好清甜，越飲越上癮！👍🏻總括嚟講，八刀麵館真係一間