Layback Cafe & Bar (Closed)

同個friend行完加連威老道Shopping, 隻腳好攰, 揾間優靜café坐吓, 見到呢間响商業大廈樓上café, 試一試,入到去, 都幾有情調, 光線暗暗地, 有室內，有冷氣，也有室外, 冬天就啱, 好大, 幾有FEEL,先叫杯凍飲解吓暑先, 士多啤梨啤梨鮮打紅茶,士多啤梨味好濃, 新鮮即打的, 酸甜解渴, 主菜叫了龍蝦汁蝦肉意大利飯, 店員一放低, 已聞到此龍蝦香味, 意大利飯索晒啲叶, 蝦肉好大隻, 爽口, 仲叫左蕃茄卡邦尼意粉($80), 見到個名好出奇,卡邦尼傳統係白汁, 但呢度配了蕃茄汁, 所以叫了, 好味呀, 不會好溜, 蕃茄味較fresh,店內還有不同掛式擺設, 好有心思。