留家廚房

Open Now

Now Closed

突然間想食點心，想搵間好d既餐廳食！「留家廚房」一路都未有機會試，見佢既午市套餐都幾抵喎，兩人餐先係$248，有點心、小菜、老火湯、飯同甜品，一於試下啦！上到去都已經兩點幾，所以都唔多人，安排坐梳化位，好闊落舒服點心揀左筍尖鮮蝦餃同松露燒賣王兩個點心都好新鮮，就算已經兩點幾都係新鮮蒸出黎，蝦餃好彈牙，好味小菜揀左豉汁帶子蒸豆腐呢個配搭比較少食，豆腐好滑，配埋帶子有雙重口感，加埋豉汁用黎送飯一流，如果大碟d就好啦另一個揀左迷你鮑魚雞煲呢個個味惹味好多，不過鮑魚真係好迷你份量少但係好味既食飽飽仲有糖水，好滋潤又唔會好膩，其實老火湯都好飲，不過唔記得左影，坐得舒服野又好食，讚！