Sick Burger (希雲街)

Open Now

Now Closed

今日同同事去公司附近搵食，來到銅鑼灣希雲街見到呢間新新地嘅burger店，寫住自家製作，手工漢堡🍔，即刻入去試試。😍入到來舖頭唔算多位，大概10-15個位，所以12:30左右就滿座要等位。我同同事分別叫左一個牛肉漢堡同埋雞肉漢堡，另外就叫咗一口雞，同埋黑松露薯條🍟。Sick! Burger 牛肉漢堡，首先要讚一讚個漢堡包，佢個包係專登煎香過，所以係脆，然後塊牛肉非常juicy，牛汁配上漢堡包味道好有層次，好味！Sick! Chicken雞肉漢堡，佢中間塊雞肉係炸脆左，有啲似烤雞風味，口感好豐富。One bite chicken 一口雞，炸到非常香脆，配左青檸汁同埋蛋黃醬，又清新又開胃。黑松露薯條，份量都幾多，不過配咗黑松露醬啲薯條就變得冇咁脆，如果分開上就更好。叫咗Cambo set，梳打水仲係免費，加$4就有冷泡茶。整體性價比唔錯，氣氛relax又chill，一定會再回頭。