Video
Read full review
2007-05-02
1 views
30-4-2007 1948都有一段好長時間冇同食友一齊家常便飯，加上明日又係假期，放工後拿拿聲換衫黎，地點在大馬路一條，冇難度。到達時只見「英文聆聽之王」忙緊工事，我就環顧四周，絕對是一般酒樓的格局及服務水準。點菜由主持人負責，一行15人連久未露面的「資料庫」亦好似我咁上曬水。我地共叫了9樣菜式，平時應該係double計，不計好味與否，食係其次，增進大家友誼及感情重要過一切。未食野先黎半打啤酒，平平地叫10蚊3枝燕京啤酒，等左好耐都未有，叫待應追一追單，佢就有少少悔氣說好多野要跟，預左黎就預左有咁既回應，啤酒味稍為淡些少，亦冇可能好有expectation。唔知係唔係驚左我地，今轉及加碼時，佢地放左係「606及610」後面都唔出聲。菜式陸陸續續上檯，第1味是預訂兼幾乎絕跡的懷舊菜鴨掌包，又叫鴨腳包，材料有鴨掌、鵝腸、叉燒、雞肝，材料已是預先整熟，用鵝腸包住其他材料，然後加上加左料既叉燒醬醃製，再囉去燒，味道我覺得可以再濃些少，畢竟唔係話食到就食到，也算是滿意之作；第2味是打孖上既冬瓜盅湯，配料有冬菇及菜頭等等，味道清新，適合溫暖及炎熱的天氣飲，自己也少有的飲了兩碗。第3味是老少平安，
都有一段好長時間冇同食友一齊家常便飯，加上明日又係假期，放工後拿拿聲換衫黎，地點在大馬路一條，冇難度。到達時只見「英文聆聽之王」忙緊工事，我就環顧四周，絕對是一般酒樓的格局及服務水準。
點菜由主持人負責，一行15人連久未露面的「資料庫」亦好似我咁上曬水。我地共叫了9樣菜式，平時應該係double計，不計好味與否，食係其次，增進大家友誼及感情重要過一切。
未食野先黎半打啤酒，平平地叫10蚊3枝燕京啤酒，等左好耐都未有，叫待應追一追單，佢就有少少悔氣說好多野要跟，預左黎就預左有咁既回應，啤酒味稍為淡些少，亦冇可能好有expectation。唔知係唔係驚左我地，今轉及加碼時，佢地放左係「606及610」後面都唔出聲。
菜式陸陸續續上檯，第1味是預訂兼幾乎絕跡的懷舊菜鴨掌包，又叫鴨腳包，材料有鴨掌、鵝腸、叉燒、雞肝，材料已是預先整熟，用鵝腸包住其他材料，然後加上加左料既叉燒醬醃製，再囉去燒，味道我覺得可以再濃些少，畢竟唔係話食到就食到，也算是滿意之作；第2味是打孖上既冬瓜盅湯，配料有冬菇及菜頭等等，味道清新，適合溫暖及炎熱的天氣飲，自己也少有的飲了兩碗。第3味是老少平安，亦即是豆腐蒸鯪魚肉，繼冬瓜盅湯的一味清淡可口的菜式，如用高身碟蒸，大太舊入口更佳；第4味是去飲指定菜式之一：炸蟹拑，炸得好熱，裡面還有少少蝦味，點少少醋減少熱氣。第5味是另一味懷舊菜：富貴龍鳳球，龍即是蝦，鳳便是雞肝，蝦開邊後，包著雞肝，然後貼少少生粉去炸，而個汁係沙律汁，裡面加了檸檬汁，我覺得幾酸，但好醒胃，而富貴既意思係伴碟的西蘭花。
第6味係蛋白炒魚肚，佢炒得剛剛好，唔會太老，魚肚少左的，食到最尾先有；第7味亦係懷舊菜之一的代表：御廚雞，將糯米等材料包入去雞項裡，上色後攞去炸，雞本身唔肥，裡面的材料少少濕得來亦唔肥，亦是食得過的菜式；尾二一味是蝦仁炒蛋，蛋炒得剛剛熟，亦唔會俾人還有蛋王汁留係面上，至於蝦仁，唔夠其他食友快，以至冇得食，唔緊要，最緊要happy；最後上場便是花膠筒扒生菜，汁主要是蠔油打底，蠔油夠味及唔會一味得個鹹字，不錯。
同場加映白飯數碗，亦少有食兩碗，待應的服務由頭開始時唔掂，到埋尾時的中規中矩。從第1次出來至而家的聚會一定唔夠你地多，但叫白飯對自己來講亦是第1次。埋單每位150蚊。菜式味道及賣相不算突出，平凡中顯見平淡。如不是為現在及將來兩餐(工作)，或者還要死硬派般要求多花款及好味的你追我逐形式，甚至要人頭落地/趕盡殺絕，千其唔好黎，一定令到閣下大失所望，畢竟好多人連兩餐都得不到溫飽，俾你得到最後為又要恨恨地付出代價，值得嗎？
Post
