Simplylife Bakery Cafe

Open Now

Now Closed

今日去咗simplylife食lunch。我哋一行六人 點左4個set lunch因為有一個係bb仔。Simplylife嘅裝修就真係好舒服 。簡約嘅西式風格 ，廚房同整麵包都係open kitchen形式， 只係用玻璃間隔 完全可以睇到裏面點樣運作。餐廳亦都係四面都係落地玻璃 一邊食嘢一邊睇到外面嘅景色好舒服。第一道菜係鱸魚南瓜飯，有啲似risotto嘅煮法 有啲汁幾好食。舊鱸魚煎得好香又啱啱好熟， 好味。第二度菜係雞扒漢堡， 但係塊雞扒呢就比較乾冇肉汁。第三道菜係all day breakfast。味道係ok嘅個蛋都炒得幾滑嘟嘟，分量好足。第四道菜係雜菌闊麵，我覺得味道有啲”寡”，麵比較硬。佢哋嗰度有種飲品叫冰茶，其實就係普通嘅凍檸茶唔要檸檬換咗兩舊橙落去。比出面嘅凍檸茶甜少少同埋唔“澀”，但係味道係幾特別幾好飲嘅。喜歡食西餐嘅朋友simplylife係個唔錯嘅選擇。 但係佢哋係冇book枱嘅，你要去嗰度食嘢一定要walk-in。