Video
Read full review
2024-01-25
381 views
朋友喺外國返嚟諗住同佢食個high tea聚吓舊，順便睇吓香港最靚嘅維港景色，就揀咗嚟位於天際100入面嘅呢間Café 100 by The Ritz-Carlton。我哋喺網上預訂嘅喺「 Café 100 by The Ritz-Carlton, Hong Kong 和風二人下午茶套票」(週末$698/兩位)，呢個價錢除咗包天際100 成人標準門票兩張，仲包The Ritz-Carlton二人下午茶一份，有得逛有得食，可以話係相當抵玩。位於ICC100樓嘅天際 100 香港觀景台有海拔 393 米咁高，可以360 度俯瞰維港以至係全港景色。藍天、碧海、高山、落霞等景色盡收眼底。而下午茶由Café 100 by The Ritz-Carlton提供，質素有保證。今次食嘅下午茶以和風為主題，入面有唔同款式嘅鹹甜點。先講鹹點，櫻花腌煙熏三文魚薄餅配海藻粉整得唔錯薄薄嘅餅皮入面捲住鹹香嘅煙熏三文魚，加埋海藻粉，味道層次豐富。另一款炙燒味噌茄子芝士撻，脆皮嘅撻底配搭茄子同半熔芝士，口感豐富。另外仲有日式“拉麵風”豚肉及粟米迷你麵包伴醬油蛋黃醬同炸魚丸子配日式咖喱汁。至於甜點，除咗有英式鬆餅配士
位於ICC100樓嘅天際 100 香港觀景台有海拔 393 米咁高，可以360 度俯瞰維港以至係全港景色。藍天、碧海、高山、落霞等景色盡收眼底。
而下午茶由Café 100 by The Ritz-Carlton提供，質素有保證。今次食嘅下午茶以和風為主題，入面有唔同款式嘅鹹甜點。
先講鹹點，櫻花腌煙熏三文魚薄餅配海藻粉整得唔錯薄薄嘅餅皮入面捲住鹹香嘅煙熏三文魚，加埋海藻粉，味道層次豐富。另一款炙燒味噌茄子芝士撻，脆皮嘅撻底配搭茄子同半熔芝士，口感豐富。另外仲有日式“拉麵風”豚肉及粟米迷你麵包伴醬油蛋黃醬同炸魚丸子配日式咖喱汁。
至於甜點，除咗有英式鬆餅配士多啤梨果醬及奶油忌廉之外，仲有香濃嘅宇治綠茶紅豆泡芙同清新嘅青森蘋果白桃蛋糕。
個人覺得最出色嘅係日式焙茶奶凍配士多啤梨脆米，底層係茶味香濃、口感幼滑嘅焙茶奶凍，面層就鋪滿酸酸甜甜嘅士多啤梨果肉同脆米，包含咗唔同嘅味道同口感層次。
飲品可以揀各式茶或咖啡，我哋就叫咗凍蘋果茶同ginger latte。
我哋喺上面邊欣賞維港迷人嘅景緻，邊嘆下午茶，渡過咗一個悠閒嘅下午，仲睇埋璀璨嘅夜景先走。
。
。
Café 100 by The Ritz-Carlton (尖沙咀)
尖沙咀柯士甸道西1號環球貿易廣場(ICC)100樓天際100香港觀景台
。
。
Post
