Video
Read full review
2023-08-20
1529 views
記得我寫過的Smokehouse Bar & Grill嗎？之前食過一次晚餐，當時魔術手仲係香港，食到佢出色嘅手法同age秘技，見朋友話有brunch而味道都不錯就去下，剩係食前菜都飽嘅brunch，好多人係IG見到我post完inbox問，咁不如係度講下。之前食過波本威士忌醃生牛胸腹薄片可任食，煙三文魚迷你筒配蟹籽都係必吃之作，燒粟米，煙燻孜然羊柳串同蜜糖檸檬雞翼都係要狂點，仲要每人再有一個主菜，真係幾飽。主菜選擇好多，炒藍青口配檸檬忌廉汁，燒烤味手撕豬肉絲漢堡烤非洲雞配酸忌廉燒薯、大蝦香料燴飯配辣肉腸、甜椒及蕃茄醬和牛扁意粉配車厘茄、煙燻甜紅椒粉及燒汁香煎羊架配燒薯及紅菜頭、煙燻牛胸肉配砵酒燴洋蔥及甜椒梅子醬、雪松木烤三文魚配牛油果沙沙及香草薯仔、香煎肉眼扒配露荀及砵酒汁，應有盡有，睇你鍾意邊款，咁都係$458一位，加$278仲有得任飲氣泡酒同紅白水果酒都有，仲要有啲咁好配酒嘅食物，唔叫對唔住自己。前菜未上就上左新鮮生蠔每人兩隻，配上石榴•是拉差咯嗲汁及乾蔥雪梨醋，好特別嘅味，襯白水果酒一流。前菜好鼎盛，全部食完都可以任加，波本威士忌醃生牛胸腹薄片係上次食過嘅難忘嘅一員，今次當然k
記得我寫過的Smokehouse Bar & Grill嗎？之前食過一次晚餐，當時魔術手仲係香港，食到佢出色嘅手法同age秘技，見朋友話有brunch而味道都不錯就去下，剩係食前菜都飽嘅brunch，好多人係IG見到我post完inbox問，咁不如係度講下。
之前食過波本威士忌醃生牛胸腹薄片可任食，煙三文魚迷你筒配蟹籽都係必吃之作，燒粟米，煙燻孜然羊柳串同蜜糖檸檬雞翼都係要狂點，仲要每人再有一個主菜，真係幾飽。
主菜選擇好多，炒藍青口配檸檬忌廉汁，燒烤味手撕豬肉絲漢堡烤非洲雞配酸忌廉燒薯、大蝦香料燴飯配辣肉腸、甜椒及蕃茄醬和牛扁意粉配車厘茄、煙燻甜紅椒粉及燒汁香煎羊架配燒薯及紅菜頭、煙燻牛胸肉配砵酒燴洋蔥及甜椒梅子醬、雪松木烤三文魚配牛油果沙沙及香草薯仔、香煎肉眼扒配露荀及砵酒汁，應有盡有，睇你鍾意邊款，咁都係$458一位，加$278仲有得任飲氣泡酒同紅白水果酒都有，仲要有啲咁好配酒嘅食物，唔叫對唔住自己。
前菜未上就上左新鮮生蠔每人兩隻，配上石榴•是拉差咯嗲汁及乾蔥雪梨醋，好特別嘅味，襯白水果酒一流。
前菜好鼎盛，全部食完都可以任加，波本威士忌醃生牛胸腹薄片係上次食過嘅難忘嘅一員，今次當然keep住食。
煙燻吞拿魚及薄切帶子配百香果醋同香烤煙燻芝士茄子卷配西班牙羅曼斯可醬都幾多人鐘意。
煙三文魚迷你筒配蟹籽，上次有食，今次同樣不錯，不過上次係有靚啲嘅魚籽，今次就無。
烤紅菜頭配瑞可塔芝士和無花果，愛芝士嘅一定會話好食。
吉列橄欖釀蕃茄，個蕃茄好鮮甜，炸橄欖真係無試過，原來感覺幾好。
燒粟米配瑞可塔芝士及西班牙羅曼斯可醬，同上次喺中環食嗰間墨西哥菜一樣，個味道好特別。
肉類有很多，煙燻孜然羊柳串配薄荷乳酪醬蜜糖檸檬雞翼 配甜椒梅子醬，香烤豬腩串燒配是拉差辣椒醬，通通都係愛肉者最愛，仲要個汁令到件肉唔會太過油膩，你再可以食多啲。
烤京蔥配西班牙羅曼斯可醬就唔係個個鍾意，我自己鍾意蔥我都覺得普通，愛不愛見人見致。
主菜當日最愛係個burger，因為完全係佢哋餐廳嘅風格，炒藍青口配檸檬忌廉汁，點麵包好得，和牛扁意粉同上次一樣出色，唯獨非洲雞比較細件，無食得咁開心。
甜品係朱古力士多啤梨，蜂巢糖脆，青檸忌廉芝士及熱朱古力，絕對係今日最出色嘅一員，可惜無得任食，唔係我一定食多件。
Post
