NUTTEA (葵涌廣場) (Closed)

而家多咗咁多手打檸檬茶，但我都係鍾情於飲奶蓋飲品，黎到葵廣掃街，梗係要買杯嘢飲啦，今次就揀咗nuttea！呢間飲品舖都開咗好多年，呢度出名係堅果奶蓋，所以叫奶蓋嘅產品就一定冇得輸！可能週末去嘅關係，人流比較多，都等咗陣先拎到嘢飲！我今次就揀咗焙茶堅果奶蓋茶微糖常溫，味道都幾好，幾夠茶味，奶蓋又鹹鹹香咁，溝埋一齊飲都幾好飲！唔錯唔錯！我見佢都仲有好多唔同嘅嘢飲選擇，見過奶蓋茶真係好吸引！下次要再試埋其他口味先得！對比手打檸檬茶，都係傳統台式飲品茶比較啱!多啲新鮮感同埋啱口味多啲!希望nuttea會再設計更多得獎嘅嘢飲吸引客人啦！飲品舖喺葵廣生存一啲都唔易，希望多啲市民多啲留港消費，支持小店生存啦！