好易食

Open Now

Now Closed

平日比較少來蘇豪區食飯。今日搵咗間評分都唔錯嘅餐廳食。餐廳雖然位於半山區，但係沿着扶手電梯上其實都好方便唔使行太多斜路。平日夜晚時段，餐廳大部份幫襯嘅都係外國人，所以環境氣氛都唔錯。雖然係食墨西哥菜，但餐廳應該係有點fusion嘅玩味，因為啲碟都好中式。Beef TacoTaco烤到啱啱好，食落唔會太乾。入面放滿左香料牛肉，都幾Juicy，同時亦都會食到上面嘅洋蔥、香菜，感覺好Fresh唔會太肥膩。落埋青檸汁酸酸地，更加係令到佢更開胃。Cauliflower超好食嘅椰菜花。每一粒椰菜花表面都焗到啡啡地，食得出佢烤香左嘅味。加上落咗乳酪、杏仁片、石榴籽，成個感覺酸酸地幾開胃，亦都好有特色，食到唔夠喉。Classic meatball個人覺得比較重口味嘅一道菜，除咗本身食到好濃郁嘅芝士味，肉丸亦都係well seasoned。側面有少少麵包可以餸個肉醬汁。香蒜橄欖油意粉用最普通嘅食材: 蒜同橄欖油，已經可以煮到好美味嘅意粉，無需太花巧。呢個意粉仲落咗少少辣椒吊一吊起個味。每一啖食落都唔會好無味或者太乾。叫咗兩杯夏天好啱飲嘅西瓜特飲，咁啱食嘅嘢有d辣同埋有啲重口味嘅話就好啱。