18巷泰國餐廳 (Closed)

一個很久沒見面嘅友人相約喺銅鑼灣用膳，順便聚下舊。經過商討之後，決定去位於世貿13樓嘅SOI18。餐廳與毗鄰牛禪相連，根據店員陳述，該餐廳與SOI18都係同一個老闆。SOI18餐廳裝飾偏向簡約自然，濃厚泰式風格，餐具也相當講究，而且重量十足。前菜叫咗個18巷鮑魚沙律，以洋蔥裝飾成蓮花座頗具心思，鮑魚份量不少，配搭椰芯及生菜一齊食，煙韌有嚼口之餘還增添多重口感陪襯，泰式醬汁嘅酸辣逐漸提升食慾，令人停不了口。另一道店長極力推介的是泰東北包魚吃，燒荀殼魚體積很大，燒得非常入味，經過店長指導，先知道原來正確食法係先拿一片生菜，然後夾些魚肉，再加入伴碟的配料，將生菜捲好所有食物再食用，配料有米線、薑葱粒、乾葱粒、红绿辣椒仔等，可以依據個人喜好添加。