SOLO UDON ソロうどん (Closed)

平日時間晏就時段食，位置係銅鑼灣食街 登龍街，先下單再入去坐，完全唔洗排隊直入。UDON就好似普通餐廳常用嘅烏冬，牌子來來去去都係果幾種，質感煮得剛剛好，唔會過龍唔熟。$88 明太子溫泉蛋冷烏冬講到明冷烏龍麵，當然係入口清涼，好fresh，呢個組合係冇得輸嘅，岩哂夏天食。$98 吉列蝦蝦湯拌烏龍麵一開頭食都驚喜架，個湯好有蝦味，但食到後尾就略嫌太濃啦，岩重口味嘅人。最後，我建議可以參考下咁叫法，兩款一齊食可以中和下。