Video
Read full review
2022-10-08
724 views
可以嘅話，其實真係唔想第一次寫就寫負評；不過受夠就係受夠，花少少時間寫低，提醒自己下次咪再去…過去兩年飲食業好難捱，知嘅，所以少有出開街都盡量買外賣返屋企食，屋企人煮少餐，又可以支持下。去開尖沙咀，唔爭在行過少少去佐敦。通常係幫襯澳洲牛奶公司，呢兩年間中就轉去隔籬麥文記，第一次係因為見佢靜到好似隨時做唔住。禁堂食期間、N咁多限制期間，入去買外賣都仲正正常常。幾次都係買一樣嘅嘢－雲吞麵同炸醬麵。雲吞屋企人話係好食嘅，足料、新鮮；麵都幾好，係有時鹼水味太重。炸醬麵都可以，不過亦試過一樣係陣鹼水味。以人均$50一個麵嚟講，份量又真係少咗啲。利申：一向叫少飯都未試過食得哂嘅胃，又或者唔記得叫少飯時兩個飯底會變成兩個人食兩餐。一個雲吞麵/炸醬麵，僅僅比隔籬澳牛一份蛋治飽啲啲。今日難得唔太熱，特登由尖沙咀行過去就係諗住耐無食過雲吞麵/炸醬麵。一行到白加士街見澳牛條人龍幾乎排到轉角要過埋馬路，心諗飲食業卒之好返啲，唔駛咁淒涼，好事～行到麥文記門口，因為近lunch hour，門口都有5-8(?)個人等緊位。攝到入櫃面時，難得無撞正有其他人俾緊錢或落緊單，禮貌地問可唔可以借張餐牌落單。櫃面姐姐頭不動眼
過去兩年飲食業好難捱，知嘅，所以少有出開街都盡量買外賣返屋企食，屋企人煮少餐，又可以支持下。去開尖沙咀，唔爭在行過少少去佐敦。通常係幫襯澳洲牛奶公司，呢兩年間中就轉去隔籬麥文記，第一次係因為見佢靜到好似隨時做唔住。
禁堂食期間、N咁多限制期間，入去買外賣都仲正正常常。幾次都係買一樣嘅嘢－雲吞麵同炸醬麵。雲吞屋企人話係好食嘅，足料、新鮮；麵都幾好，係有時鹼水味太重。炸醬麵都可以，不過亦試過一樣係陣鹼水味。以人均$50一個麵嚟講，份量又真係少咗啲。利申：一向叫少飯都未試過食得哂嘅胃，又或者唔記得叫少飯時兩個飯底會變成兩個人食兩餐。一個雲吞麵/炸醬麵，僅僅比隔籬澳牛一份蛋治飽啲啲。
今日難得唔太熱，特登由尖沙咀行過去就係諗住耐無食過雲吞麵/炸醬麵。一行到白加士街見澳牛條人龍幾乎排到轉角要過埋馬路，心諗飲食業卒之好返啲，唔駛咁淒涼，好事～行到麥文記門口，因為近lunch hour，門口都有5-8(?)個人等緊位。攝到入櫃面時，難得無撞正有其他人俾緊錢或落緊單，禮貌地問可唔可以借張餐牌落單。櫃面姐姐頭不動眼不抬，0 tone答：「出門口睇」。麵舖選擇唔算多，但都有大有細有湯麵有撈麵，門口張餐牌俾等位人龍徹底封住，正常情況之下都唔會逼埋去睇，更何況呢幾年不斷灌輸俾大家嘅「社交距離」概念（雖然我一直用開嘅personal space隔得仲遠）。我忍唔住問多次：「買外賣要出門口睇餐牌再入嚟嗌？」姐姐照舊0 tone答：「係」
無言⋯結果我直接出門口走咗。係嘅，好小事，之不過，之前每一次我都係一模一樣，拎住餐牌落單大家都唔會有誤會，我確定我買咩，你知我叫咩，相安無事。今日生意好啲嘞，就突然咁樣？sorry我接受唔到。你唔憂無生意時，我都有得選擇，係咪？既然唔係特別好食，亦唔可以話平，加上咁樣待客，點解我仲要揀你？
自問唔係西客/奧客－－「澳牛-certified」食咗廿幾年從來無令到佢哋要俾網傳招牌treatment（真心，從來無試過喺澳牛受到不禮貌對待，亦唔認同佢哋態度有咩問題）。經過呢兩年，眼見大部份零售同餐飲業嘅人都比以前禮貌，今日呢件小事我真係無預料到⋯⋯
青菜蘿蔔，各有所愛，我blacklist佢佢亦唔會在乎，寫低幾隻字啫～
Post