Video
Read full review
2020-09-09
2328 views
今次係用咗美利酒店staycation $3300包早餐、下午茶、晚餐嘅優惠連住宿一晚。成間餐廳都有啲供不應求，部份侍應服務真係非常一般，完全唔係一間五星級酒店唔應該提供嘅服務。入住當日，下午四點幾去咗試下午茶。下午茶有幾款可以選擇，包括兒童下午茶，當時揀咗signature afternoon tea。有一啲比較特色嘅嘢飲想飲，問侍應可唔可以叫，佢話幫我問吓使唔使加錢，問問下走咗去。（夜晚係一樣情況）嗰個女仔係一個比較細個嘅女仔，可能工作經驗比較少，有乜可能客人提出要求咁樣走咗去？下午茶啲蛋糕比較普通，睇相都好似一般西餅店嘅蛋糕，有一啲配搭係比較奇怪嘅，例如西瓜夾鹹芝士，鬆餅唔係熱嘅，總之個下午茶個味道都比較奇怪，一杯杯嗰個慕絲，有啲薑汁喺入面。晚餐喺返同一樓層享用，呢條咪又係令到啲菜式好奇怪，麵包好硬。粟米湯唔知落咗啲咩調味，怪怪地嘅味道。沙律入面有龍蝦反而幾好，份量都幾多。意大利飯個質感係軟林林嘅，同傳統嘅差唔多，牛扒本身叫咗medium rare，舊肉係靚嘅，但係俾佢嘅調味搞衰咗，落咗太多粉係上面，真正好味嘅牛扒係唔使搞咁多嘢，薯蓉OK，蘆筍都OK。唯一嘅缺點係太多人book咗
成間餐廳都有啲供不應求，部份侍應服務真係非常一般，完全唔係一間五星級酒店唔應該提供嘅服務。
入住當日，下午四點幾去咗試下午茶。下午茶有幾款可以選擇，包括兒童下午茶，當時揀咗signature afternoon tea。有一啲比較特色嘅嘢飲想飲，問侍應可唔可以叫，佢話幫我問吓使唔使加錢，問問下走咗去。（夜晚係一樣情況）嗰個女仔係一個比較細個嘅女仔，可能工作經驗比較少，有乜可能客人提出要求咁樣走咗去？下午茶啲蛋糕比較普通，睇相都好似一般西餅店嘅蛋糕，有一啲配搭係比較奇怪嘅，例如西瓜夾鹹芝士，鬆餅唔係熱嘅，總之個下午茶個味道都比較奇怪，一杯杯嗰個慕絲，有啲薑汁喺入面。
晚餐喺返同一樓層享用，呢條咪又係令到啲菜式好奇怪，麵包好硬。粟米湯唔知落咗啲咩調味，怪怪地嘅味道。沙律入面有龍蝦反而幾好，份量都幾多。意大利飯個質感係軟林林嘅，同傳統嘅差唔多，牛扒本身叫咗medium rare，舊肉係靚嘅，但係俾佢嘅調味搞衰咗，落咗太多粉係上面，真正好味嘅牛扒係唔使搞咁多嘢，薯蓉OK，蘆筍都OK。唯一嘅缺點係太多人book咗staycation，同一間餐廳迫爆咗好多人，每一碟菜上菜嘅速度都好慢，有一個中年嘅女侍應服務好好，同佢講等到好眼瞓想拎走，佢即刻幫我哋跟啲食物。
士多啤梨拿破崙做得幾好，好脆口。朱古力蛋糕都有好香濃嘅可可味，依兩個甜品做得唔錯。但係正餐都係好奇怪！
7:00落去食早餐，一個男士嘅菲律賓主管真係好差，我唔知佢係咪歧視湊住小朋友嘅人，一落到去已經唔秋唔彩，企左喺度3分鐘先帶位，坐低咗都冇主動比餐牌我哋，早餐自助餐係semi buffet，出面係可以拎到點心、水果、煙三文魚。餐牌嗌咗火腿芝士三文治，豬肉米粉，豬腸粉，pancake。早餐做得幾好，我哋嗌嘢食嗌到第三次嘅時候，菲律賓主管主動過嚟收咗我哋個餐牌，好似嫌棄我地嗌得太多野咁樣。
我覺得依間酒店試一次都夠，下午茶同晚餐嘅味道都係奇怪，係得早餐好少少，服務一般，餐廳擁擠。
Post
