Pier Lounge and Pier Bar

Open Now

Now Closed

因為酒店住客有八折，所以今日試吓呢間餐廳。餐廳有分室外、外廳同內廳，內廳有埋吧枱，天花板喺圓拱形設計 ，室內燈光較為昏暗，比較有氣氛。枱係深啡木質枱，座位都有軟墊，坐得好舒服。炸薯條配松露蛋黃醬呢個炸薯條炸得好香脆，薯條夠粗，再配上巴馬臣芝士，重可以點松露蛋黃醬食，係食薯條嘅最高享受，正~大蝦煙肉意粉本來我哋係叫大蝦煙肉伊麵，不過因為冇日曆，所以佢叫我哋轉意粉。個意粉彈牙，巴馬臣芝士忌廉汁好多，口感比較漿住過口，不過都好味。海南雞飯海南雞飯份量比較少，油飯都夠香，飯質粒粒分明，雞肉都算滑嫩，但得四舊，整體一般可接受。泰式炒金邊粉金邊粉好韌，食嘅時候咬到個口好攰。個蝦冇乜味，有啲花生碎，味道一般，似係自助餐貨仔。