Pier Lounge and Pier Bar

Open Now

Now Closed

去黃竹坑做嘢 想同個客食個快餐 走去咗呢度，估唔到又唔算太貴喎，酒店質素環境當然好我嗌咗紅燒牛肉麵 客人就嗌咗點心拼盤一向相機食嘅我竟然肚餓到唔記得咗影面 得呢張一開始睇落好似好少肉 食食吓都有幾件牛腩，不過牛腱真係得兩片超超超薄 夾埋應該都冇一件正常size 一啲都唔滿足不過好在有啲牛腩 唔會好肥食得到牛筋都有幾件幾好味服務質素都OK 不過唔係好醒目，唔識自己加水呢個比想像中細份，雲吞竟然得兩粒同埋點心原來每樣得一嚿 我都唔知好唔好食

$400一位！有龍蝦嘅dinner buffet！喺貴價酒店，環境靚！冇野好挑剔，食得好開心！不過如果可任飲就好啦，會再開心d好抵食！ 正都爆辛苦哂環喺戶外燒野食嘅廚師

最近成日睇場 睇到邊食到邊☺️佢有好多款menu 我哋個週末去lunch 點了2個lunch set 亞洲風味x 洋食 三道菜餐 (沙律或湯、主菜及甜品) $368 2個set都好岩食 畇嫌雞肉少咗啲 其餘整體都很ok 而且坐得好舒服 人均~$270 (Marriott Gold member 20% off) - 精選午市套餐 -‣ 海南雞飯 $198‣ 小食拼盤 (香茅雞翼及泰式魚餅)‣ 港式奶茶或香濃咖啡 - 精選套餐 -‣ 野菌忌廉湯‣ 香草燒羊扒‣ 黑朱古力脆脆拖肥蛋糕

暑假配小朋友staycation，聽話海洋公園隔籬萬豪酒店泳池不錯，專門過來試試。游完水，就近搵間餐廳吃飯，酒店大堂側邊嘅西餐廳系首選。3 courses set要3百幾，但住客有八折。牛扒叫左medium rare，上來感覺略熟，而且配菜少左啲。頭盤及甜品就中規中矩。整體來講，以粒個價錢同位置，無得要求太多。

今日嚟到海洋公園萬豪酒店食lunch 見種類都幾多 有港式食物或者亞洲食物都有得揀 而且價錢都$100-200左右 🔸雲吞麵拼小食拼盤粒粒點心都超級大粒☺️ 而且雲吞食得出材料好新鮮 春卷亦都炸得好脆口 同埋用埋個盤上 擺盤擺得好靚 係高質素嘅中式午餐😋🔸鹿兒島豬軟骨配白飯 飯同豬軟骨嘅份量超多！啲飯係採用日本米 而個豬軟骨亦都煮得好耐所以煮到好林，d軟骨係入口即溶嫁🤭🤭🥰 而且個醬汁撈飯亦都係超級開胃 所以不知不覺食晒成碗飯🙈 而且呢個餐亦都配埋個小食拼盤 有斑蘭雞同埋素菜春卷 同樣都係好好食😇環境坐得舒服，空間感好足夠 好適合同屋企人朋友或者另一半慢慢坐低吹水 食返個高質素嘅中式午餐😌

海洋公園萬豪酒店應該是4星⭐級，自然是有一定期望，餐廳位置在主座，最近地鐵站，在大堂右邊就是餐廳，環境都算闊落，佈置有少少似日本餐廳，座位都是寬大的梳化椅，看似好舒服，但用作餐椅就有點不適合，因為凹陷進去，令人坐不直。這設計只有一星⭐😅。晚餐是五週年特別菜式，三道菜，有餐前面包，沙律或湯，主菜，甜品。前菜蘇格蘭煙三文魚🐠配辣根忌廉，迷你羅馬生菜⭐味道很淡，配菜不夠新鮮。松露油蘑菇忌廉湯⭐⭐⭐夠熱夠香夠濃，有粒粒碎蘑菇，是不錯的出品。主菜紅酒燴澳洲和牛🐮面肉配南瓜🎃蓉及汁燒根菜⭐⭐⭐⭐⭐厚厚的和牛面肉肥瘦均勻，燜的軟軟糯糯，牛肉味香濃豐潤，入口有少少咬感，非常滋味，很出色的的菜品，加上甜甜的南瓜🎃蓉，燒BB紅羅蔔，調和了牛肉的油膩感，更加好味。👍👍甜品紅桑子椰子撻⭐⭐⭐外型出眾，三層設計，底層餅幹加椰絲，中間是新鮮的紅桑子，五環鋪設，上層是巧克力糖，很有心❤思，旁邊寫著慶祝酒店五週年，加些桑子醬裝飾碟面，美感充足，味道香甜，是個特色作品。🥳🥳

叫咗一碟乾炒牛河,等咗20分鐘先上枱, 好在先細心睇下河粉裏面, 發現有好多黑色鑊屎,有啲係紅豆咁大粒, 為咗健康, 接受侍應建議,再等多一個重新炒嘅乾炒牛河, 第二碟等咗十分鐘, 侍應問過廚師回覆話因為要有鑊氣嘅關係,呢個理由都好勉強, 如果係真就好唔專業囉, 又唔見好食嗰啲茶餐廳會係咁,附上兩張相前後兩碟, 好明顯呢啲係廚師冇清潔好鑊講返味道,河粉份量足夠,但太稔吾夠乾身,牛肉味道普通份量小,厚度適中,又唔覺得所謂好有鑊氣,完全冇落洋蔥所以成碟唔香,河粉底都幾多油成碟唔夠乾爽, 為咗健康著想, 以後都唔好再嚟幫襯, 真係非常失望 200蚊一碟五星級酒店乾炒牛河 等咁耐質素又差,做唔到色香味俱全, 都係茶餐廳嘅好食啲

冇比較冇進步，對比長隆水上樂園酒店餐廳的服務水平，呢間酒店餐廳的服務質素真係麻麻。待應帶了我到戶外放低菜單就走了，我等了一陣都冇人。結果我就唯有轉入室內，我示意幾次才有待應過來落單，上菜時間慢，俾少了甜品🍧，完全冇跟到張單，這令我有點失望。我聆聽到待應對客人說當天有活動，廚房比較忙，建議客人食燒味，客人看了餐牌表示只是燒味都要咁貴😝大表驚訝🙀。看來餐廳需要仔細考慮客人對餐牌食品的期望。這令我不敢推薦我的海外朋友去試試。IT老本行的我建議餐廳可善用科技，在網上平台檢視一下客戶意見，以改善服務及提升品質😙

黃竹坑多左好多美食，當中仲有酒店餐廳😍海洋公園旁邊的酒店，坐地鐵可以直達，好方便，去個度食返餐，環境幽靜舒適。晚市套餐糅合中西日式，開場的是傳統地道酥炸雲吞配甜酸醬！ 外皮好酥脆，内餡有豬肉和鮮蝦，再配上自家製甜酸醬，令雲吞味道更提昇😌主菜就分別有經典的T骨牛扒配香蒜蓉汁，及日式鹿兒島豬軟骨飯。 T骨牛扒好大件，但廚師已經切好，令大家更方便食。 肉色粉潤，肉質嫩滑，仲好juicy。而豬軟骨經慢煮烹調，香濃軟腍，搭配飽滿日本珍珠米，我同朋友搶住食😋最後就是我全晚期待嘅蜜糖焗金文畢芝士，用左法國金文畢芝士，加咗蜜糖、大蒜和迷迭香烤焗至溶化，😌香氣撲鼻，芝士入口柔滑細膩，味道令人陶醉🥰。

自從地鐵有海洋公園站後，出入真係方便到不得了，就算約人食飯，都不會覺得遠，而且仲可以避開人潮，其實真係一個不錯的選擇。近日海洋公園萬豪酒店推出最新的午市套餐，反正同朋友好耐無見，一於來個午間飯聚。《經典明爐燒味》（每款$168）套餐本身配中式老火湯或西式濃湯，中湯今日是很家常的青紅蘿蔔豬腱湯，但夠火唉，醇厚甘香；西湯是意大利雜菜湯，菜蔬的甜味都融入湯裡，不錯。蜂蜜炙叉燒傳統脢頭叉燒可以話百吃不厭，尤其是厚切啖0啖肉，外層焦香令肉味更引誘，塗上蜂蜜甜度來得自然，配上燶邊荷包蛋，戳穿蛋黃，令蛋漿混和米飯，豐腴的口感簡直是人間美味。香露頭抽浸雞大廚選用了三黃雞，以頭抽用slow cook 手法把雞肉浸熟，火喉控制得啱啱好，雞肉嫩滑到一個點，陣陣頭抽的香味滲入雞肉，好味。明爐燒鴨太大的鴨肉會較韌，選用較小的米鴨，肉質自然較嫩及多汁，鴨皮烤得香脆可口，少許羶香我好鍾意。若是想換換口味，沒問題，又有東南亞風味的主食。《招牌東南亞美食》（每款$188）乾炒澳洲和牛河粉畢竟是五星級酒店，單是炒牛河已經要用上澳洲和牛，軟稔入味，更覺矜貴，醬油其實是瑞士汁，多了一份甜香，加以洋蔥絲及蔥段爆香，一道傳統風味

因為酒店住客有八折，所以今日試吓呢間餐廳。餐廳有分室外、外廳同內廳，內廳有埋吧枱，天花板喺圓拱形設計 ，室內燈光較為昏暗，比較有氣氛。枱係深啡木質枱，座位都有軟墊，坐得好舒服。炸薯條配松露蛋黃醬呢個炸薯條炸得好香脆，薯條夠粗，再配上巴馬臣芝士，重可以點松露蛋黃醬食，係食薯條嘅最高享受，正~大蝦煙肉意粉本來我哋係叫大蝦煙肉伊麵，不過因為冇日曆，所以佢叫我哋轉意粉。個意粉彈牙，巴馬臣芝士忌廉汁好多，口感比較漿住過口，不過都好味。海南雞飯海南雞飯份量比較少，油飯都夠香，飯質粒粒分明，雞肉都算滑嫩，但得四舊，整體一般可接受。泰式炒金邊粉金邊粉好韌，食嘅時候咬到個口好攰。個蝦冇乜味，有啲花生碎，味道一般，似係自助餐貨仔。

Pier Lounge and Bar 原身不是做自助餐為主，與Marina Kitchen相比，無論凍海鮮，熱食或甜品，這兒食物款式都相對較少。熱食主要以BBQ 食物為主，亦有少量凍海鮮，但沒有生蠔和龍蝦提供，喜歡食凍海鮮的人就不宜來這裡。雖然食物款式少，但食物味道整體唔錯。熱食多數由廚師在旁邊即時燒烤出來，貴價食物有乳豬，羊架和大蝦等。 其中個人十分推介羊架，燒得十分出色，外面帶一點焦香，內𥚃香濃的肉味和肉汁，肉質鮮嫩夠諗，十分好食。 至於環境十分舒適，比Marina Kitchen少人和清幽，枱與枱之間有較大距離，是傾談聚會的地方。餐廳外設有小朋友遊戲，吸引不少小朋友用餐時外出玩遊戲。 而餐廳最優惠的地方就是2位成人就可以帶一位8歲或以下的小童免費用餐，同時亦有3小時免泊優惠。除開每人只是數百元就可以在marriott品牌的酒店享用自助餐和服務，真的十分抵。

Recently, Ocean Park has a Gundam theme and this extends to their afternoon tea a the hotel. We booked through openrice and had 20% discount.The drinks came first and I tried their cocktail. I was a bit worried whether it would be too strong but it wasn't and it was really refreshing.The Afternoon tea set came and the stand was quite lovely like a spiral stair. Almost all the food items have a gundam theme to it, which was quite cute.We had the scones first as it was the only warm/hot item of th

I came here on 2 occasions (Jan & Feb 2023):1) Late Jan I was here for lunch with my colleagues, and the food was delicious! Salad was very fresh. For mains, some of us had roasted chicken and others had the steak - both were delicious 🤤 The chicken was slightly on the salty side, but it didn’t have much bone in it so was really easy to eat. I also enjoyed the strawberry mousse cake. It’s got a crispy chocolate layer on the outside, then the mousse inside. Personally I would’ve been happy with j

香港海洋公園萬豪酒店開了好一段時間，不過一直都沒機會去過。最近因為聚餐的關係，終於有機會試試看囉 😄我們選了的是 Pier Lounge and Bar ，晚餐有Set Menu，由前菜、餐湯、主食到甜品、飲品。🐙前菜是烤八爪魚紅菜頭沙律。略嫌意大利黑醋落得有點重手，喜歡八八魚口感很Q彈，不韌。🦀️是日餐湯是蟹肉烤南瓜忌廉湯。質感幾綿滑，味道頗為香濃，亦有吃到蟹肉。有配到香軟的麵包，不配湯單吃也不錯。🥩主食選了烤美國西冷扒。不知道是不是因為是在Book位時預先選好餐點，牛扒並沒有問到我們要幾成熟，然後上桌時大家的牛都有落差。我的那塊算是中規中矩吧，但超多筋 .... 好吃的部份都有嚼勁且肉味濃。另外滿喜歡那個綿滑得來很香的松露薯蓉。朋友點的西多士 x 鵝肝，很邪惡。不過想不明白為什麼會配黑醋!?還有三文治很大一份，而且亦配了薯條，非常飽肚呢🍓甜品是士多啤梨慕絲蛋糕。除了外層的那層朱古力實在甜得過分外，蛋糕其實幾好吃。最後飲品可選汽水、即磨咖啡或精選茗茶。